आनंदीबाई पाटील या १०६ वर्षीच्या वयोवृद्ध महिलेस कोरोनाची बाधा झाल्यानंतर त्यांच्या वयामुळे अनेक रुग्णालयांनी त्यांना दाखल करून घेण्यास असमर्थता दर्शविली. परंतु डोंबिवली येथील वै. ह. भ. प. सावळाराम महाराज म्हात्रे क्रीडा संकुलातील, कोविड समर्पित रुग्णालयातील डॉ. राहुल घुले यांनी त्यांना तिथे दाखल करून घेतले आणि आज उपचाराअंती आनंदीबाई पाटील या कोरोनामुक्त झाल्यामुळे त्यांना वै. ह. भ. प. सावळाराम महाराज म्हात्रे कोविड समर्पित रुग्णालयातून डिस्चार्ज देण्यात आला. त्यामुळे कोविड-१९ चा प्रादुर्भाव कमी करण्यासाठी अथकपणे काम करणारे महापालिका प्रशासन, डॉ. राहुल घुले यांचेवर सर्वच स्तरातुन अभिनंदनाचा व कौतुकाचा वर्षाव होत आहे.
कोविड-१९ च्या प्रादुर्भावामुळे सर्वत्र भीतीचे आणि असुरक्षिततेचे वातावरण नागरिकांमध्ये पसरले असताना १०६ वर्षाच्या वयोवृद्ध महिलेस कोरोनामुक्त होऊन डिसचार्ज मिळणे ही खचितच सकारात्मक आणि समाधान कारक बाब आहे. पर्यावरण मंत्री आदित्य ठाकरे यांनी देखील ट्विट करून महापालिका प्रशासन व डॉ. राहुल घुले यांचे कौतुक केले आहे.
Well done @1rupeeclinic @KDMCOfficial and MP @DrSEShinde !
The blessings of Mrs. Anandibai Patil ji and many more like her keep us all going strong! https://t.co/I22ZEsnOJK— Aaditya Thackeray (@AUThackeray) September 20, 2020
हेही वाचा –
प्राध्यपकांची १०० टक्के उपस्थिती कशासाठी – प्राध्यापक संघटनांचा विरोध
