TRS celebertion: केक कापून जल्लोष साजरा

देशातील छत्तीसगड, राजस्थान, तेलंगणा आणि मध्यप्रदेश या ४ राज्यातील विधानसभा निवडणुकांचे निकाल समोर येत आहेत. त्यापैकी तेलंगणामध्ये ‘TRS चे सरकार तेजीत तर महाआघआडी मागे’ असं स्पष्ट चित्र पाहायला मिळत आहे. राज्यात के. चंद्रशेखर राव यांचं सर’कार’ तेजीत असल्याचं पाहायला मिळत आहे. राव यांच्या टीआरएस पक्ष पुन्हा एकदा बहुमताने सत्ता स्थापन करणार अशी चिन्ह दिसत आहेत. काही वेळापूर्वीच राव यांनी हैदरबादमधील पार्टी हेडक्वॉरटर्सला भेट दिली. यावेळी त्यांनी सर्व पार्टी कार्यकर्त्यांचे आभार मानले. यावेळी पक्ष कार्यकर्ते आणि पदाधिकाऱ्यांनी राव यांच्या उपस्थितीत केक कापून जल्लोष साजरा केला. पक्षाचा रंग गुलाबी असल्याकारणाने खास ९० किलोग्रॅमचा गुलाबी केक यावेळी कापण्यात आला. केकवर पक्षाचं निवडणूक चिन्ह असलेल्या चारचाकी गुलाबी गाडीची प्रतिकृतीदेखील होती. राव यांच्याहस्ते हा केक कापला गेला. 

‘टीआरएस‘ला मिळालेल्या विजयावरुन, तेलुगू जनतेने पुन्हा एकदा केसीआर यांना मुख्यमंत्रीच्या रुपात कौल दिला असल्याचं म्हणता येईल. गेल्या निवडणुकांच्या तुलनेत यंदा टीआरएसने मोठा विजय मिळवला आहे. वारंगल, मेदक आणि करीमनगर या जिल्ह्यात टीआरएस प्रामुख्याने आघाडीवर आहे. तेलंगणात टीआरएस आणि एमआयएम युतीने बहुमताचा आकडा पार केला आहे. तेलंगणात टीआरएस सध्या ८७ जागांवर आघाडीवर असून, टीडीपी-काँग्रेस युती २१, भाजपा १ तर इतर १० जागांवर आहेत. त्यामुळे तेलंगणात पुन्हा एकदा टीआरएस-एमआयएम सत्तेवर बसणार असल्याची शक्यता दिसून येत आहे. दुसरीकडे हैदराबादमधून एमआयएमचे अकबरुद्दीन ओवेसी विजयी झाले आहेत. दरम्यान, अकबरुद्दीन ओवेसी यांचा हा सगल पाचवा विजय आहे. ‘चंद्रयानगुट्टा’ या त्यांच्या मतदारसंघातून ओवेसी सलग पाचव्यांदा विजयी झाले आहेत. अकबरुद्दिन ओवेसी यांनी त्यांच्या प्रतिस्पर्धी उमेद्वारावर बहुमताने मात केलं असून, त्यांच्या झोळीत एकूण ७३ हजार ९९२ मतांचं दान पडलं आहे.