धार्मिक स्थळाच्या ठिकाणी सॅनिटायझर लावण्यास पुजाऱ्यानेच केला विरोध!

अडीच महिने लॉकडाऊनमध्ये राहिल्यानंतर केंद्र सरकारने अनलॉक १.० ची घोषणा केली. या घोषणेनुसार टप्प्याटप्प्याने लॉकडाऊनचे नियम शिथिल करण्यात येणार असल्याचं जाहीर करण्यात आलं. त्यानुसार येत्या ८ जूनपासून म्हणजेच सोमवारपासून देशभरात कंटेनमेंट झोन वगळता इतर ठिकाणी मंदिरं आणि धार्मिक स्थळं सुरू करण्याची मुभा देण्यात आली आहे.

१ जूनपासून अंमलात आलेल्या पाचव्या टप्प्यातील लॉकडाऊनला अनलॉक १ असे नाव देण्यात आले. आतापर्यंत बंद केलेली धार्मिक स्थळं ८ जूनपासून उघडण्यात येणार असली तरी त्यासाठी केंद्रीय आरोग्य आणि कुटुंब कल्याण मंत्रालयाने गुरुवारी एक मार्गदर्शक नियम देखील जाहीर केले. मात्र आता या मार्गदर्शक तत्त्वांना विरोधही सुरू झाला आहे. दरम्यान भोपाळमधील एक मंदिर पुजारीच कोरोनाच्या पार्श्वभूमीवर असलेल्या नियमांच्या विरोधात असल्याचे समोर आले आहे. भोपाळच्या माँ वैष्णोदेवी धाम नव दुर्गा मंदिराचे पुजारी म्हणाले की, प्रशासनाचे कार्य मार्गदर्शक तत्त्वे जारी करणे आहे, परंतु मी मंदिरांमध्ये असणाऱ्या सॅनिटायझर मशीनच्या विरोधात आहे कारण त्यात अल्कोहोल असते.

हम शराब पीकर जब मंदिर में प्रवेश नहीं कर सकते हैं तो अल्कोहल से हाथ सैनिटाइज करके कैसे घुस सकते हैं।आप हाथ धोने की मशीन सभी मंदिरों के बाहर लगाइए,वहां पर साबुन रखिए उसको हम स्वीकार करते हैं वैसे भी मंदिर में तो व्यक्ति घर से नहा कर ही प्रवेश करता है:चंद्रशेखर तिवारी,पुजारी,भोपाल https://t.co/W3F2SgUF8w

— ANI_HindiNews (@AHindinews) June 5, 2020

पुजारी चंद्रशेखर तिवारी म्हणाले, ‘ज्यावेळी आपण मद्यपान करून मंदिरात प्रवेश करू शकत नाही, तर अल्कोहोलयुक्त सॅनिटायझरने हात स्वच्छ करून मंदिरात कसा प्रवेश करू शकतो. सर्व मंदिरांच्या बाहेर हात धुण्याचे यंत्र ठेवा, तिथे साबण ठेवा आणि आम्ही ते स्वीकारतो, असे त्यांनी सांगितले.

सोमवारपासून धार्मिक स्थळात प्रवेश, असे असतील नियम!