राष्ट्रीय जनता दल आणि काँग्रेसच्या महाआघाडीने बिहार विधानसभा निवडणुकीसाठी २४३ जागांवरील आपल्या उमेदवारांची यादी जाहीर केली आहे. जागावाटपाच्या सुत्रानुसार, राष्ट्रीय जनता दलाला १४४ जागा, काँग्रेसला ७० जागा आणि डाव्या पक्षांना २९ जागा मिळाल्या आहेत.
Mahagathbandhan including RJD, Congress and left parties releases its list of candidates for all 243 Assembly seats in Bihar.#BiharElections pic.twitter.com/ljB7MuzZDp
— ANI (@ANI) October 15, 2020
शत्रुघ्न सिन्हांच्या मुलालाही संधी
दरम्यान, बिहार विधानसभा निवडणुकीत राजद, काँग्रेस आणि डावे पक्ष यांची महाआघाडी आहे. हे सर्व पक्ष एकत्रितपणे भाजप आणि संयुक्त जनता दलाला आव्हान देणार आहे. याआधी काँग्रेसने आपल्या ४९ उमेदवारांची यादी जाहीर केलेली आहे. यात बांकीपूर येथून ज्येष्ठ अभिनेते शत्रुघ्न सिन्हा यांचा मुलगा लव सिन्हा यांना तिकिट देण्यात आले आहे. बिहारगंज येथून सुहासीनी यादव यांना तिकिट देण्यात आले आहे.
Second list of 49 Congress candidates for #BiharElections and one Lok Sabha bye-election for Valmiki Nagar Seat announced: Congress pic.twitter.com/iDQue9Lh6p
— ANI (@ANI) October 15, 2020
महाआघाडीसोबतच एनडीएने देखील जागा वाटपाचा फॉर्म्युला जाहीर केला आहे. यानुसार जेडीयू १२२ आणि भाजप १२१ जागांवर निवडणूक पार पडणार आहे. तर यंदा बिहार विधानसभा निवडणुकीचा पहिल्या टप्प्यातील मतदान २८ ऑक्टोबर रोजी, दुसऱ्या टप्प्यातील ३ नोव्हेंबरला आणि तिसऱ्या टप्प्यातील मतदान ७ नोव्हेंबरला होणार आहे. यानंतर १० नोव्हेंबरला निवडणुकीचा निकाल जाहीर होणार आहे.
