प्रियांका मतदारसंघात साडी, तर दिल्लीत जीन्स घालतात – हरीश द्विवेदी

यावेळी माध्यमांशी बोलताना द्विवेदी म्हणाले, ‘आपल्या प्रत्येकालाच ठाऊक आहे की प्रियांका दिल्लीमध्ये जीन्स घालतात. तर, मतदार संघात फिरताना साडी नेसतात आणि कुंकू लावतात.’ द्विवेदी यांच्या या वक्तव्यामुळे राजकीय वर्तुळात एक नवा वाद सुरु होण्याची शक्यता वर्तवली जात आहे. दरम्यान, राजकारणात प्रवेश केल्यानंतर प्रियांका गांधी यांच्यावर अनेक राजकीय नेत्यांनी खोचक टीका केल्या आहेत. काही दिवसांपूर्वीच रोहिंग्या मतदार संघातील भाजप आमदार सुरेंद्र सिंह यांनी राहुल गांधी यांना ‘रावण’ तर, प्रियांका गांधींना ‘शूर्पणखा’ असं संबोधलं होतं. तर, कैलाश विजयवर्गीय यांनी प्रियांका यांना ‘चॉकलेटी फेस’ अशी उपमा दिली होती. याशिवाय ‘सुंदर चेहऱ्याने निवडणूक जिंकता येत नाही,’ अशी खोचक टीकाही प्रियांका यांच्यावर करण्यात आली होती.