देशभरात कोरोनाचा प्रादुर्भाव दिवसेंदिवस वाढतच असताना आता कोरोनानं केंद्रीय मंत्रिमंडळात देखील प्रवेश केला आहे. सध्या संसदेचं पावसाळी अधिवेशन सुरू आहे. मात्र, अधिवेशन सुरू असतानाच केंद्रीय रस्ते वाहतूक मंत्री नितीन गडकरी यांना कोरोनाची लागण झाल्याचं समोर आलं आहे. खुद्द नितीन गडकरी यांनीच ट्वीट करून ही माहिती दिली आहे. रात्री ९ वाजून ३२ मिनिटानी नितीन गडकरींनी यासंदर्भातलं ट्वीट केलं आहे. या पार्श्वभूमीवर भाजपच्या कार्यकर्ते आणि नेतेमंडळींसोबतच सर्वपक्षीय सदस्यांकडून नितीन गडकरींच्या उत्तम स्वास्थ्यासाठी प्रार्थना केली जात आहे. दरम्यान, आपण स्वस्थ असून माझ्या संपर्कात आलेल्या सर्वांनी काळजी घ्यावी, असं देखील गडकरींनी ट्वीटमध्ये म्हटलं आहे.
Yesterday, I was feeling weak and consulted my Doctor. During the course of my check up, I have been tested COVID 19 positive. I am at present doing well with the blessings and good wishes of all. I have isolated myself.
— Nitin Gadkari (@nitin_gadkari) September 16, 2020
काय म्हटलंय ट्वीटमध्ये?
‘काल मला जरा अस्वस्थ आणि अशक्तपणा आल्यासारखं वाटत होतं. मी डॉक्टरांचा सल्ला घेतला. माझी तपासणी झाल्यानंतर मला कोरोनाची लागण झाल्याचं स्पष्ट झालं. सध्या माझी प्रकृती चांगली असून सगळ्यांच्या प्रार्थना आणि सदिच्छा माझ्यासोबत आहेत. मी स्वत:ला आयसोलेट केलं आहे’, असं गडकरींनी या ट्वीटमध्ये म्हटलं आहे.
I request everyone who has come in my contact to be careful and follow the protocol. Stay safe.
— Nitin Gadkari (@nitin_gadkari) September 16, 2020
