पश्चिम बंगालच्या कोलकाता शहरातील हावडा रेल्वे स्थानकात गुरुवारी मध्यरात्री अचानक आग लागली. हावडा स्थानकातील इलेक्ट्रिक बोर्डामध्ये शॉर्ट सर्किट झाल्यामुळे ही आग लागल्याची प्राथमिक माहिती समोर येत आहे. अचानक लागलेल्या या आगीमुळे रेल्वे स्थानकात एकच गडबड उडाली. मात्र, मध्यरात्रीची वेळ असल्यामुळे हावडा स्थानकामध्ये लोकांची वर्दळ तुलनेने कमी होती. त्यामुळे सुदैवाने कोणतीही जिवीतहीनी झाली नाही. दरम्यान आग लागल्याची घटना घडताच अग्निशमन दलाच्या दोन गाड्या घटनास्थळी रवाना झाल्या आणि काही वेळातच त्यांनी आगीवर नियंत्रण मिळवले. त्यामुळे आग पसरली नाही आणि सुदैवाने मोठा अपघात टळला. दरम्यान रेल्वे पोलिसांकडून या घटनेची अधिक चौकशी करण्याचे आदेश देण्यात आल्याची माहिती समोर येत आहे.
West Bengal: Fire has broken out at Howrah Railway Station following a short-circuit on an electricity board on a pillar near a food plaza in the station premises. Two fire tenders are present at the spot. More details awaited. pic.twitter.com/4nTSJ5W4UK
— ANI (@ANI) September 6, 2018
ANI ट्वीटर सौजन्याने
पाहा या घटनेचा व्हिडिओ :
व्हिडिओ सौजन्य- युट्यूब