देशात निवडणुकीचे वारे वाहत असताना राम मंदिराचा मुद्दा चांगलाच गाजत आहे. यामुद्यावरून अनेक राजकीय नेत्यांनी वक्तव्य केल्यानंतर आता योगगुरू रामदेवबाबांनी ही या मुद्यावर भाष्य केलं आहे. प्रभू रामचंद्र हे फक्त हिंदूंचेच नाही तर मुस्लिमांचेही पूर्वज आहेत, त्यामुळे राम मंदिर होणारच असे त्यांनी म्हटले आहे. अयोध्येत जर राम मंदिर होणार नाही तर काय मक्का मदिना किंवा व्हॅटिकनमध्ये होणार का? असा सवालही त्यांनी यावेळी बोलताना उपस्थित केला. राम मंदिरासाठी अध्यादेश काढण्याचीही मागणी त्यांनी केली.
शिवसेने केली होती मागणी
अयोध्येतील राम मंदिर लवकर बांधण्यात यावे यासाठी शिवसेना प्रमुख उद्धव ठाकरे यांनी अयोध्येला भेट दिली होती. देशातील साधू संतानीही मंदिर बनवण्याची मागणी केली आहे. राम मंदिर नाही तर मत नाहीत असे बॅनरही लावण्यात आले. राम मंदिराचा प्रश्न अजूनही न्यायालयात असल्यामुळे यावर निर्णय अद्याप झालेला नाही. विरोधकांनीही राम मंदिराच्या मुद्यावरून भाजपला घेरले होते.
Yog Guru Ramdev: Ram Mandir Ayodhya mein nahi banega to koi Mecca-medina aur Vatican City mein to banne waala nahin hai. Aur ye nirvivadit satya hai ki Ram ki janmabhoomi Ayodhya hai aur Ram matra Hindu hi nahi musalmano ke bhi purvaj hain. (08.02.19) pic.twitter.com/o4AtRtffVC
— ANI (@ANI) February 9, 2019
काय म्हणाले बाबा
“प्रभू रामचंद्रांच मंदिर हे अयोध्येतच झाले पाहिजे. मंदिर अयोध्येत नाही तर काय मक्का मदिनेत होणार का? अयोध्या ही रामाची जन्मभूमी आहे हे सत्य आहे. प्रभू रामचंद्र हे फक्त हिंदूंचेच नाही तर मुस्लिमांचेही पूर्वज आहेत.” – योगगुरू रामदेवबाबा