यंदा २०२० चा नोबेल शांतता पुरस्कार जाहीर झाला असून यावेळी तो एका व्यक्तीला मिळाला नसून संस्थेला देण्यात आला आहे. यावेळी हा पुरस्कार संयुक्त राष्ट्रांच्या वर्ल्ड फूड प्रोग्राम (डब्ल्यूएफपी) या संस्थेला देण्यात आले आहे. जगभरामध्ये तवाणपूर्ण आणि युद्धजन्य परिस्थिती असणाऱ्या प्रदेशांमध्ये अन्न पुरवठा करण्याचे आणि तेथे शांततेसाठी काम करणाऱ्या डब्ल्यूएफपीच्या नावाची घोषणा नॉर्वेतील ऑस्लो येथील समिती केली आहे. १९०१ पासून शांततेचे नोबेल पारितोषिक देण्यास सुरूवात झाली व ते नॉर्वे संसदेने नेमलेल्या समितीच्या निवडीनुसार दिले जात आहे.
Norwegian Nobel Committee awards the #NobelPeacePrize2020 to the World Food Programme (WFP). pic.twitter.com/IzwS6zIfmV
— ANI (@ANI) October 9, 2020
कोणीही उपाशी झोपू नये म्हणजेच झीरो हंगर या मोहिमेसाठी डब्ल्यूएफपी मागील पाच दशकांहून अधिक काळापासून जगभरातील वेगवेगळ्या देशांमध्ये काम करत आहे. यासंदर्भातील माहिती नोबेलच्या अधिकृत ट्विटर हॅण्डलवरुन देण्यात आली आहे. नॉर्वेमधील समितीने २०२० चा नोबेल शांतता पुरस्कार हा वर्ल्ड फूड प्रोग्रामला (डब्ल्यूएफपी) देण्याचा निर्णय घेतला आहे, असे या ट्विटमध्ये नमूद करण्यात आले आहे. “भूकेवरुद्ध डब्ल्यूएफपीने सुरु केलेल्या लढाईसाठी, तणाव आणि अशांतता असणाऱ्या प्रदेशांमध्ये शांततेसाठी करण्यात येणाऱ्या प्रयत्नांना आणि भूक हे वाद आणि संघर्षाचे कारण होऊ नये यासाठी प्रयत्न करण्यासंदर्भात केलेल्या कामासाठी हा पुरस्कार प्रदान करण्यात येत आहे,” असे नॉर्वेमधील समितीने पुरस्कार देताना स्पष्ट केले आहे.
BREAKING NEWS:
The Norwegian Nobel Committee has decided to award the 2020 Nobel Peace Prize to the World Food Programme (WFP).#NobelPrize #NobelPeacePrize pic.twitter.com/fjnKfXjE3E— The Nobel Prize (@NobelPrize) October 9, 2020
ज्या लोकांना स्वत: अन्न पदार्थ विकत घेणे शक्य नसते किंवा ज्यांना उत्पादन करता येत नाही अशा गरजूंना डब्ल्यूएफपीच्या माध्यमातून अन्नधान्य पुरवले जाते. २०१८ साली या संस्थेमध्ये १७ हजार कर्मचारी काम करत होते. नाजझेरिया, सुदान, काँगो, येमेनसारख्या देशांमध्ये या संस्थेने मोठे कार्य केले आहे.
Deepest thanks @NobelPrize for honouring the World Food Programme with the 2020 #NobelPeacePrize.
This is a powerful reminder to the world that peace and #ZeroHunger go hand-in-hand. https://t.co/1CYXPcnvlF
— World Food Programme (@WFP) October 9, 2020
वर्ल्ड फूड प्रोग्रामबद्दल…
वर्ल्ड फूड प्रोग्राम (डब्ल्यूएफपी) ही संस्था म्हणजे संयुक्त राष्ट्र संघांची उपसंस्था आहे. जगभरामधील भूकेसंदर्भातील समस्या आणि अन्नसुरक्षेच्या क्षेत्रामध्ये या संस्थेचे मागील जवळजवळ ६० वर्षांपासून अधिक काळ काम सुरु आहे. दर वर्षी डब्ल्यूएफपी ही संस्था ८३ देशांमधील ९१ लाख ४० हजार गरजू व्यक्तींना अन्य पदार्थ पुरवते. या संस्थेची स्थापना १९६३ साली झाली आहे. या संस्थेचे मुख्यालय इटलीमधील रोम शहरात आहे. या संस्थेच्या जगभरातील ८० हून अधिक देशांमध्ये शाखा आहेत.