दिल्लीमध्ये एका मेट्रो स्टेशनवर बुधवारी रात्री काम सुरु असताना एक दुर्देवी घटना घडली. दिल्लीतील पिंक लाईनजवळील शिव विहार मेट्रो स्टेशनवर अॅसिडचा कॅन पडल्याने ६ जण जखमी झाले तर एकाचा मृत्यू झाला. सर्व जखमींवर जवळच्या खासगी रुग्णालयात उपचार सुरु आहेत. याप्रकरणी पोलिसांनी तक्रार दाखल करुन घेत तपास सुरु केला आहे.
Delhi: One person has succumbed to injuries after a can containing acid fell on six people from under construction Shiv Vihar Metro station (Pink Line), yesterday. Police has registered a case.
— ANI (@ANI) October 4, 2018
गाझियाबाद पोलीस ठाण्यात तक्रार दाखल
शिव विहार मेट्रो स्टेशन हे दिल्ली मेट्रोच्या पिंक लाइन परिसरातील एक बांधकाम सुरु असलेले स्टेशन आहे. दिल्ली मेट्रोच्या तिसऱ्या टप्प्या अंतर्गत हे स्टेशन तयार होत आहे. शिव विहार मेट्रो स्टेशन गाझियाबादच्या बॉर्डरवर आहे. या घटनेनंतर गाझियाबाद पोलिसांनी याप्रकरणी तक्रार दाखल करुन घेत तपास सुरु केला आहे.
उपचारा दरम्यान एकाचा मृत्यू
अजून पर्यंत ही माहिती नाही मिळाली की, अॅसिडचे बॉक्स या ठिकाणी कसे आले आणि ते लोकांच्या अंगावर कसे पडले. जवळच मेट्रो स्टेशनचे काम सुरु असल्यामुळे ही घटना घडली असल्याचे बोलले जात आहे. जखमी झालेल्यांपैकी काही जणांची प्रकृती नाजूक आहे. तर उपचारा दरम्यान एकाचा मृत्यू झाला आहे. दिल्लीच्या जीटीबी रुग्णालयात त्याच्यावर उपचार सुरु आहे.
