पेट्रोल आणि डिझेलचे भाव सलग १२व्या दिवशी घटल्यामुळे सर्वसामान्यांना दिलासा मिळाला आहे. मुंबईमध्ये सोमवारी (आज) पेट्रोलच्या दरात ३० पैशांनी कमी झाला असून, पेट्रोल ८५.२४ रुपये प्रतिलीटर भावाने मिळत आहे. तर, डिझेलच्या दरात २१ पैशांनी घट झाली असून, मुंबईत आज डिझेल ७७.४० रुपये प्रतिलीटर भावाने मिळत आहे. तर राजधानी दिल्लीतही आज इंधनाच्या दरामध्ये कपात झाल्याचं पाहायला मिळत आहे. दिल्लीमध्ये आज पेट्रोल ३० पैशांनी घटले असून, ते ७९.७५ रुपये प्रतिलीटर दराने उपलब्ध आहे. तर, डिझेल २० पैशांनी स्वस्त झाले असून, डिझेलचा आजचा भाव ७३.८५ रुपये प्रतिलीटर इतका आहे. दरम्यान, पेट्रोल-डिझेलच्या दरात गेल्या काही दिवसांपासून सातत्याने होत असलेली घट देशातील सर्वसामान्य लोकांसाठी दिलासादायक ठरत असल्याच्या प्रतिक्रिया सोशल मीडियातून उमटत आहेत.
Petrol&diesel prices in #Delhi today are Rs 79.75 per litre (decrease by Rs 0.30) & Rs 73.85 per litre (decrease by Rs 0.20), respectively. Petrol&diesel prices in #Mumbai today are Rs 85.24 per litre (decrease by Rs 0.30) & Rs 77.40 per litre (decrease by Rs 0.21), respectively. pic.twitter.com/ue528vFvBw
— ANI (@ANI) October 29, 2018
आंतरराष्ट्रीय बाजारात गेल्या काही दिवसांपासून कच्चा तेलाच्या किंमतीत घसरण होत आहे. त्यामुळे भारतीय तेल कंपन्यांनी इंधन दर स्वस्त केले आहे. गेल्या १५ दिवसात कच्च्या तेलाच्या दरात घसरण झाली आहे. यामुळे इंधानाचे दर घसरल्यांचे सांगण्यात येत आहे. याचा लाभ तेल कंपन्या वाहनधारकांना करुन देत आहेत.
