राफेल विमानं केवळ ‘शो-पीस’ – प्रकाश आंबेडकर

प्रकाश आंबेडकर सोमवारी पालघर येथे वंचित बहुजन आघाडीतर्फे आयोजित करण्यात आलेल्य सत्ता संपादन महामेळाव्यात बोलत होते. पत्रकारांशी संवाद साधत असताना ते म्हणाले की, ‘भारत खरेदी करणार असलेली ३६ राफेल विमानं वापरण्याच्या स्थितीत असली पाहिजेत. ती सुस्थितीत आहेत का? त्यांची चाचणी झाली आहे का? याविषयीची खातरजमा करुन घेणं आवश्यक आहे.’ ‘मात्र, मोदी सरकार यासंदर्भात काहीच बोलायला तयार नाहीये, याचं आश्चर्य वाटतं’, असं म्हणत प्रकाश आंबेडकर यांनी मोदींवर निशाणा साधला. ‘राफेल विमानांची सद्यस्थिती ही माझ्या दृष्टीने बिनकामी आणि निकृष्ट दर्जाची आहे, असंही आंबेडकर यावेळी म्हणाले.