रिलायन्स जिओचे ई-कॉमर्स पोर्टल जियो मार्ट (JioMart) अखेर कित्येक महिन्यांच्या चाचणीनंतर सुरु करण्यात आलं आहे. नवीन ई-कॉमर्स उपक्रम चालू झाल्यानंतर कंपनीने बर्‍याच पिन कोडसाठी ऑर्डर घेणे देखील सुरू केले आहे. वेबसाइटवर एमआरपीच्या तुलनेत ५ टक्के कमी दराने विविध उत्पादने विकल्याचा दावा करण्यात आला आहे. किराणा, फळे आणि भाज्या सध्या JioMart पोर्टलवर विकल्या जात आहेत. रिलायन्स इंडस्ट्रीज यापूर्वी नवी मुंबई, ठाणे आणि कल्याण येथे पायलट प्रोजेक्ट म्हणून जिओमार्ट चालवित होती.
रिलायन्स फ्रेश आणि रिलायन्स स्मार्टच्या माध्यमातून कंपनी आधीच रिटेल मार्केटमध्ये आहे. कंपनीच्या संकेतस्थळावरील ‘About Us’ मध्ये महटलं आहे की आता गर्दी असलेल्या बाजारपेठा, किराणा दुकान आणि सुपरमार्केटमध्ये घाम गाळण्याची गरज नाही. आता आपण आपल्या सोयीनुसार घरातून किंवा ऑफिसमधून खरेदी करू शकता. ही कंपनी ताजी फळे आणि भाज्या, तांदूळ, कडधान्य, तेल, पॅकेज फूड, दुग्धजन्य पदार्थ, थंड वस्तू आणि बर्‍याच वस्तूंची विक्री करीत आहे. JioMart च्या माध्यमातून कंपनी देशातील ई-कॉमर्स मार्केटमध्ये मोठे बदल आणण्याची तयारी करत आहे. कंपनी जिओच्या माध्यमातून देशाच्या दूरसंचार बाजाराची परिस्थिती आणि दिशा बदलली आहे.
हेही वाचा – PM Kisan: असं दुरुस्त करा नाव, हप्ता मिळण्यास अडचण येणार नाही
कंपनी आपल्या शहरातील वस्तू वितरण करीत आहे की नाही हे आपल्याला जाणून घ्यायचे असल्यास, यासाठी आपल्याला एक पिन कोड प्रविष्ट करुन तपासावे लागेल. जिओमार्ट रिलायन्सची महत्वाकांक्षी योजना आहे. नुकतीच दिग्गज टेक कंपनी फेसबुकसह पाच कंपन्यांनी जिओ प्लॅटफॉर्ममध्ये गुंतवणूक जाहीर केली आहे.
