जम्मू-काश्मीरमध्ये पुन्हा दहशतवादी आणि जवानांमध्ये चकमक झाली आहे. जम्मू-काश्मीरच्या बडगाम जिल्ह्यातील परगाम भागामध्ये ही चकमक सुरु आहे. परगाममध्ये दोन ते तीन दहशतवादी लपून बसले आहे. या चकमकीत दोन दहशतवाद्यांचा खात्मा करणअयात जवानांना यश आले आहे. या चकमकीत लष्कराचे चार जवान जखमी झाले आहेत. सध्या चकमक सुरुच आहे.
Two terrorists killed, four jawans injured in the ongoing encounter in Budgam. #JammuandKashmir (visuals deferred by unspecified time) pic.twitter.com/bsmecPC5BZ
— ANI (@ANI) March 29, 2019
चकमकीत ४ जवान जखमी
मिळालेल्या माहितीनुसार, शुक्रवारी सकाळी जवानांना बजगाम भागामध्ये काही दहशतवादी लपून बसल्याची माहिती मिळाली. त्यानंतर लष्कर, सीआरपीएफ आणि जम्मू पोलिसांनी संयुक्त कारवाई करण्यास सुरुवात केली. घटनास्थळी धाव घेत संपूर्ण परिसराला घेराव घातला. जवानांना पाहून लपून बसलेले दहशतवाद्यांनी त्यांच्यावर हल्ला केला. रहिवाशी परिसर असल्यामुळे जवानांना अनेक अडचणींचा सामना करवा लागत आहे. दरम्यान, दोन दहशतवाद्यांचा खात्मा करण्यात आतापर्यंत जवानांना यश मिळाले आहे. ठार करण्यात आलेले दोन्ही दहशतवादी जैश-ए-मोहम्मद या दहशतवादी संघटनेचे आहेत. चकमकीत लष्कराचे ४ जवान जखमी झाले आहेत यामधील एका जवानाची प्रकृती गंभीर आहे. घटनास्थळावरुन मोठा शस्त्रसाठा जप्त करण्यात आला आहे.
#UPDATE Four Army soldiers have been injured in the encounter in Budgam. Operation continues https://t.co/Qhf0thvfpM
— ANI (@ANI) March 29, 2019
तीन महिन्यात ६० दहशतवाद्यांचा खात्मा
गेल्या २४ तासामधली ही तिसरी चकमक आहे. याआधी गुरुवारी शोपियां आणि हंदवाडा येथे चकमक झाली होती. या चकमकीत ४ दहशतवाद्यांचा खात्मा करण्यात आला होता. या आठवडाभरात १२ दहशतवाद्यांचा जवानांनी खात्मा केला आहे. गेल्या तीन महिन्यापासून जम्मू-काश्मीरमध्ये लष्कराकडून ऑपरेशन ऑल आऊट सुरु आहे. यावर्षी मार्चपर्यंत ६० दहशतवाद्यांचा खात्मा करण्यात आला आहे. यामध्ये सर्वात जास्त जैश-ए-मोहम्मदच्या २२ दहशतवादी आहे. या व्यतिरिक्त हिजबुल मुजाहिद्दीन या दहशतवादी संघटनेचे १५ आणि लष्कर-ए-तोएबाचे १४ दहशतवाद्यांना ठार करण्यात आले. तर मागच्यावर्षी २५० दहशतवाद्यांचा खात्मा करण्यात आला होता.
हेही वाचा –
