‘2.0’ ची कमाई वाढता वाढता वाढे…

बॉलीवूडच्या ‘खिलाडी’ अक्षय कुमार आणि दाक्षिणात्य सुपरस्टार रजनीकांत यांच्या ‘२.०’ चित्रपटाने जबरदस्त गल्ला कमावला आहे. पहिल्याच दिवशी बॉक्स ऑफिसवर अनेक चित्रपचटांच्या कमाईचे रेकॉर्ड मोडणाऱ्या ‘२.०’ने आतापर्यंत घसघशीत कमाई केली आहे. या चित्रपटाने रिलीज झाल्यापासून अातापर्यंत तब्बल ४०० कोटी रुपयांची कमाई केली आहे. जवळपास ५५० कोटी रुपयांच्या आसपास निर्मीती खर्च असलेल्या या चित्रपटाची कमाईची घोडदौड जोरात सुरु आहे. हा चित्रपट  तेलुगू, तमिळ आणि हिंदी अशा ३ भाषांमध्ये हा प्रदर्शित करण्यात आला आहे. २९ नोव्हेंबरला अर्थात रिलीजच्या पहिल्याच दिवशी चित्रपटाने १०० कोटींची धमाकेदार कमाई केली होती. कमाईच्या आकडेवारीवरुन अक्षय कुमार आणि रजनीकांतचे चाहते या चित्रपटाला भरभरुन पसंती देत आहेत असंच म्हणावं लागत आहे. 3D तंत्रज्ञान, स्पेशल ईफेक्ट्स आणि ग्राफिक्सची भरमार असलेला हा चित्रपट पाहण्यासाठी लोक स्वत:हून थिएटरकडे वळत आहेत. याचाच चांगला परिणाम चित्रपटाच्या कमाईच्या आकडेवारीवर होत आहे आणि हा ‘२.०’ बॉक्स ऑफिसवर सुपरहिट ठरत आहे.