संपुर्ण देशभरात लोकसभा निवडणुकीची रणधूमाळी बघायला मिळत आहे. एक महिनाआधी पंतप्रधान नरेंद्र मोदींनी आलिया भट्ट, दीपिका पदुकोण, अनुष्का शर्मा यांसारख्या सेलिब्रेटींना मतदान करण्याचे आवाहन करण्याची विनंती केली होती. यावेळी, काही सेलिब्रिटींसह आलियाने ट्वीट करत लोकसभा निवडणुकीत मतदारांना मतदान करण्याचे आवाहन केले होते. मात्र हे मतदानाचे आवाहन करणारी अभिनेत्रीच यंदाच्या निवडणुकीत स्वतः मतदान करू शकणार नाही.
Requesting @deepikapadukone, @aliaa08 and @AnushkaSharma to urge people to vote in large numbers for the coming elections.
As renowned film personalities whose work is admired by many, I am sure their message will have a positive impact on our citizens.
— Chowkidar Narendra Modi (@narendramodi) March 13, 2019
खरंतर आलिया तिच्या कलंक या आगामी चित्रपटाच्या प्रमोशनमध्ये व्यग्र आहे. या दरम्यान ती आपल्या संपूर्ण टीमसह एका प्रमोशनल इव्हेंटमध्ये पोहोचली होती. २६ वर्षीची असणारी आलिया एका वृत्तसंस्थेशी बोलताना सांगितले की, ती मतदान करू शकणार नाही. या मुलाखतीत कलंक चित्रपटाच्या स्टार कास्टमधील आलियाला विचारण्यात आले की, आता निवडणुकीला सुरूवात झाली आहे.
त्यामुळे, नवे सरकार निवडून देण्यासाठी तुझे कोणते प्रयत्न असतील? तू मतदान करायला जाणार का? या प्रश्नावर तिने उत्तर दिले की, मी मतदान करू शकत नाही. याचे कारण असे की, ”माझ्याकडे भारताचा पासपोर्ट नाही. कारण मी ब्रिटीश नागरिक असल्याने माझ्याकडे तिकडचे नागरिकत्व आहे. तसेच, माझी आई सोनी राजदानी ब्रिटीश नागरिक असल्याने आलियाकडे भारतीय नागरिकत्व नाही आहे