काजोल, रणबीर कपूरसोबत आता अभिनेत्री अनुष्का शर्माचाही मेणाचा पुतळा मॅडम तुसाद म्युझियममध्ये उभारण्यात आला आहे. सोमवार, १९ नोव्हेंबर रोजी सिंगापूरच्या मॅडम तुसाद म्युझियममधे अनुष्काच्या पुतळयाचं अनावरण करण्यात आले. अनुष्काप्रमाणे हुबेहूब आणि जीवंत पुतळा पाहून खुद्द अनुष्काही अवाक झाली आहे. पुतळ्यासोबतचा फोटो अनुष्काने तिच्या इंस्टाग्राम अकाऊंटवर शेअर केला आहे. हा पुतळा स्वतःचाच मोबाईलवर सेल्फी घेत आहे.
अनुष्का घेतेय सेल्फी
अनुष्का शर्माच्या पुतळ्याचं वैशिष्ट्य म्हणजे तिच्या हातामध्ये एक सेल्फी घेत असलेला स्मार्टफोन आहे. त्यामुळे सिंगापूरच्या मॅडम तुसाद वॅक्स म्युझियममध्ये अनुष्कासोबत तिच्या चाहत्यांना फोटो काढण्याची संधी मिळणार आहे. अशाप्रकारचा पुतळा असलेली अनुष्का ही पहिली भारतीय सेलिब्रिटी आहे. सिंगापूरच्या वॅक्स म्युझियममध्ये अनुष्का सोबत ओफरा विनफ्रे, क्रिस्टिआनो रोनाल्‍डो, लुइस हैमिल्‍टन यासारख्या आंतरराष्ट्रीय सेलिब्रिटींचे पुतळे सिंगापूरच्या वॅक्स म्युझियममध्ये आहेत.
