बॉलिवूड अभिनेत्री काजोलचा नवा चित्रपट ‘हेलिकॉप्टर ईला’चा ट्रेलर रविवारी प्रदर्शित झाला. मात्र रविवारी रात्री या ट्रेलरमुळे अजय देवगनला माफी मागावी लागली. या चित्रपटाच्या क्रेडिट नोटमध्ये मोठी चूक झाली आहे. यामध्ये अभिनेता-अभिनेत्री पासून गायकांपर्यंत सर्वांची नावे होती, परंतु गीतकार स्वानंद किरकिरे यांचे नावच नव्हते. ही बाब ‘सेक्रेड गेम्स’चे लेखक वरुन ग्रोवर यांच्या लक्षात आली. त्यांनी याबाबत ट्वीट करुन ही एक लाजिरवाणी बाब असल्याचे म्हटले. यावर अजय देवगनने माफी मागितली आहे.
वरुन ग्रोवर काय म्हणाले ट्विटमध्ये?
लेखक वरुन ग्रोवर काजोलच्या ‘हेलिकॉप्टर ईला’ या चित्रपटावर ट्विट करताना म्हणाले की, नवीन चित्रपटाच्या ट्रेलरमध्ये गीतकाराव्यतिरिक्त तुम्ही सगळ्या लोकांची नावे वाचू शकता. यावरून आपण समजू शकतो की, ‘चित्रपट निर्मात्यांसाठी आपण किती महत्त्वाचे आहोत!’ त्याचबरोबर ही एक लाजिरवाणी बाब असल्याचेही त्यांनी म्हटले आहे.
This new film’s trailer is cut mostly on songs. They have credited everybody in the title-plate at the end EXCEPT the lyrics writer(s) (including Swanand Kirkire). All you need to know how dispensable they think we are. Shameful. pic.twitter.com/2USiQP1Iix
— वरुण (@varungrover) August 5, 2018
अजय देवगनचा माफीनामा
या ट्विटला अजय देवगनने गांभीर्याने घेतले. त्यांनी लगेच या ट्विटला उत्तर देताना सांगितले की, ‘अनावधानाने ही चूक झाली असून स्वानंद यांचे नाव टाकण्यास आम्ही विसरलो आहोत. त्याबद्दल माफी मागतो आणि या चुकीला आम्ही दुरुस्तही करत आहोत’.
We accidentally missed out @swanandkirkire‘s name as lyricist from Helicopter Eela trailer. Apologies, rectifying it.
— Ajay Devgn (@ajaydevgn) August 5, 2018
स्वानंद किरकिरे यांनी मानले धन्यवाद
अजय देवगनच्या ट्विटनंतर स्वानंद किरकिरे यांनी अजय देवगन यांचे धन्यवाद मानले आहे.
Thank you @ajaydevgn sir for this gesture @HelicopterEela is very close to my heart . https://t.co/eVTecGPem1
— Swanand Kirkire (@swanandkirkire) August 5, 2018