बॉलिवूड अभिनेता विवेक ओबेरॉयच्या मुंबईतच्या घरी सीसीबीकडून छापेमारी करण्यात आली आहे. बंगळुरु ड्रग्जप्रकरणी आदित्य अल्वाला शोधण्यासाठी विवेकच्या घरावर छापा टाकल्याचं समोर येत आहे. आदित्य अल्वा हा विवेक ओबेरॉयचा मेहुणा आहे. त्यामुळे बंगळुरु पोलिसांनी दुपारी १ वाजता विवेकच्या घरी छापा टाकला आहे. सर्च वारंट घेऊन बंगळुरु पोलीस विवेक ओबेरॉयच्या जुहू येथील घरी पोहोचले होते.
या छापेमारीबद्दल एका पोलीस अधिकाऱ्याने सांगितले की, आदित्य अल्वा फरार आहे. विवेक ओबेरॉय हा त्याचा नातेवाीक आहे आणि आम्हाला अशी माहिती मिळाली आहे की, अल्वा त्याच्या घरात लपला आहे. म्हणून आम्हाला त्याच्या घराचा तपास करायचा होता. यासाठी कोर्टाकडून वॉरंट घेण्यात आलं आहे. त्यामुळे आमची गुन्हे शाखेची टीम बंगळुरुहून मुंबईत त्याच्या घरी गेली.
पोलिसांनी आदित्य अल्वाच्या बंगळुरू घराची झडतीही घेतली आहे. आदित्य अल्वा कर्नाटकचे माजी मंत्री जीवराज अल्वा यांचा मुलगा आहे. त्याच्यावर कन्नड चित्रपटसृष्टीतील गायक आणि कलाकरांना ड्रग्ज पुरवल्याचा आरोप आहे. कन्नड फिल्म इंडस्ट्रीला सँडलवुड नावान ओळखले जाते. बॉलिवूडप्रमाणे साउथमध्येही ड्रग्जबाबत खुलासे झाले आहेत. याप्रकरणी अभिनेत्री रागिनी द्विवेदी आणि संजना गल्रानी ला अटक करण्यात आली आहे.
हेही वाचा – Viral Video: माधुरीनं केला साडीवर बेली डान्स; चाहते झाले घायाळ
