वाचा : अमृता सुभाष बनली रणवीर सिंगची ‘आई’
दीपिका ‘लक्ष्मी’चं रूप
रणवीर सिंग यावेळी म्हणाला की, ‘एका यशस्वी पुरुषामागे एक स्त्री असते. दीपिका माझ्या आयुष्यातली ती स्त्री आहे. मला किंवा सिंबाला मिळालेलं यश हे दीपिकामुळे असं मी मानतो. भारतीय मान्यतेनुसार, स्त्रीला लक्ष्मीचे रुप मानले जाते. लक्ष्मीमुळे घराची घरातील लोकांची भरभराट होते. दीपिका आमच्या घरची लक्ष्मी आहे. दीपिकामुळेच मी यशाची चव चाखली आहे.’ दीपिका आणि रणवीर यांच्या जोडीला आजवर प्रेक्षकांनी नेहमीच पसंती दिली आहे. दीप-वीरच्या जोडीने आतापर्यंत तीन चित्रपट एकत्र केले आहे. त्यापैकी ‘पद्मावत’ चित्रपटात जरी हे दोघं एकमेकांच्या विरुद्ध असले, तरी ‘बाजीराव-मस्तानी’ आणि ‘राम-लीला’ या चित्रपटांमध्ये त्यांच्यातील केमिस्ट्री हिट ठरली आहे. मात्र, २०१९ या वर्षात दीपिका-रणवीर एकत्र काम करणार नसल्याचं रणवीरने जाहीर केल्यामुळे, चाहत्यांची नाराजी झाली असणार यात शंका नाही.
दरम्यान, रणवीर सिंगचा ‘गली बॉय’ हा बहुचर्चित चित्रपट येत्या १४ फेब्रुवारीला प्रदर्शित होणार आहे. झोया अख्तर दिग्दर्शित या चित्रपटात आलिया भट्टही प्रमुख भूमिकेत आहे. तर दुसरीकडे सध्या रंगत असलेल्या चर्चांनुसार दीपिका पदुकोण दिग्दर्शिका मेघना गुलजार यांच्यासोबत ‘छपाक’ चित्रपट करत आहे.