बॉलीवूड अभिनेता नवाजुद्दीन सिद्दीकी याची पत्नी आलिया हिने काही दिवसांपूर्वी नवाजला घटस्फोटाची नोटीस पाठवली होती. आता घटस्फोटासह तिने नवाजकडे काय काय मागितले आहे. याची माहिती समोर येत आहे. आलियाने नवाजकडे तब्बल ३० कोटी रुपये पोटगी आणि मुंबईतील यारी रोड परिसरात ४ बीएचके फ्लॅटची मागणी केल्याची चर्चा सध्या सुरू आहे. यासंबंधीची पोस्ट सध्या सोशल मीडियावर व्हायरल होत आहे. या पोस्टनुसार आलियाने नवाजकडे दोन्ही मुलांचा ताबा आणि ३० कोटी रुपये मागितल्याचे समजते. दरम्यान, आलियाने नवाजला पाठवलेली कायदेशील नोटीसची प्रत समोर आली असून यात तिने काही मागण्या केल्याचे दिसून येते. या सर्वांवर आलियाने ट्विटरच्या माध्यमातून प्रतिक्रिया दिली आहे.
As an obvious "fabricated notice" is being circulated to Media Houses "as a part of PR exercise".
I therefore request all media houses & journalists to refrain from using any part or portion of such fabricated notice OR even relying on the same to carry any story concerning me.
— AaliyaSiddiqui2020 (@ASiddiqui2020) May 28, 2020
काय म्हटलंय आलियाने ट्विटमध्ये
माझ्या वकिलांकडे अनेकांनी याबबाबत विचारणा केली मात्र हा नवाज आणि माझ्यातील वैयक्तिक मुद्दा आहे, त्यावर चर्चा करण्याला काहीच अर्थ नाही. शिवाय ऑनलाईन दिसत असणारी नोटीस ही सुद्धा पीआर स्टंट म्हणून बदल करून व्हायरल केली गेली आहे त्यात पूर्ण सत्य नाही, त्यामुळे कोणीही त्यावर आधारित अर्धसत्य आणि खोट्या बातम्या पसरवू नये. काही दिवसांपूर्वी आलियाने नवाजला घटस्फोटाची नोटीस पाठवली असून त्याच्या अनेक गंभीर आरोप केले होते. त्यामुळे नवाज आणि आलियाचा दहा वर्षांचा संसार तुटण्याच्या मार्गावर आहे. त्यांना दोन मुलं आहेत. मात्र लग्नाला एक वर्ष झाले तेव्हापासूनच वैवाहिक जीवनात चढउतार सुरू झाल्याचे आलियाने एका मुलाखतीत सांगितले होते. नवाज आपल्याला आणि मुलांना वेळ देत नाही तसेच त्याची घरातील वागणूक ही अपमानास्पद असते. त्यामुळे त्याच्यापासून वेगळे व्हायचा निर्णय घेतला आहे, असेही तिने सांगितले होते.
हेही वाचा –
हरियाणाला हवाय Lockdown 5.0; राज्याच्या सीमा बंद केल्यामुळे मजूर अडकले
