अमेरिकेत झालेल्या ‘अमेरिका गॉट टॅलेंट’ या स्पर्धा रंगली. नुकताच या स्पर्धेचा निकाल जाहीर झाला आहे. या स्पर्धेत वसई-भाईंदरच्या ‘वी अनबिटेबल’ याा कलाकारांनी भारताचे प्रतिनिधित्व केले. वसई-भाईंदरच्या कलाकारांनी आंतरराष्ट्रीय स्तरावर भारताचे प्रतिनिधित्व करत सर्वोत्तम कामगिरी करून प्रथम क्रमांक पटकावला आहे.
Gully boys dancing like Peshwas!!! ? world class performers making India proud ?? UNBEATABLE!!!https://t.co/J3harQGgSv
— Ranveer Singh (@RanveerOfficial) June 3, 2019
मागच्या वेळीही ‘अमेरिका गॉट टॅलेंट’मध्ये सहभागी होऊन त्यांनी स्थान पटकावले होते. मात्र त्यानंतर ऑक्टोबरमध्ये पार पडलेल्या दुसऱ्या पर्वात या स्पर्धकांनी चित्तथरारक नृत्याविष्कार सादर करून अमेरिकेच्या रसिकांची मने जिंकली. या स्पर्धेत अमेरिका, ऑस्ट्रेलिया, जर्मनी, कॅनडा या देशांसह विविध देशांतील ४० संघ सहभागी झाले होते. त्यामधून ‘वी अनबिटेबल ग्रूप’ने प्रथम क्रमांकाचे पारितोषिक मिळविले आहे.
या स्पर्धकांनी यापूर्वी भारतातील विविध स्पर्धेत सहभागी होत आपले नृत्य कौशल्य दाखवले होते. चित्तथरारक स्टंट व नृत्य यांचा उत्तम मेळ म्हणजे ‘वी अनबिटेबल’ हा ग्रुप यांसाठी हे स्पर्धक प्रसिद्ध आहेत. ‘वी अनबिटेबल ग्रूप’मध्ये नायगाव व भाईंदरमधील ३० मुलांचा समावेश आहे. या मुलांनी स्वप्निल भोईर व ओमप्रकाश चौहान यांच्या मार्गदर्शनाखाली आपली कला सादर केली आहे.