मालिका असो किंवा चित्रपट कलाकारांना खूप कमी वेळ स्वत:साठी मिळतो. त्यात ते जर डेलिसोप करत असतील, मुख्य भुमिकेत असतील तर सुट्टी मिळणही कठीण जातं. मात्र मालिकेच्या सेटवर त्यांच स्वत:च एक कुटूंब तयार झालेलं असतं, आणि तेच कुटूंब कलाकारांच्या प्रत्येक सुख- दुख:त त्यांच्या पाठीशी खंबीरपणे उभे राहतं. याचाच अनुभवर लागीर झालं जी या झी मराठीवरील मालिकेच्या सेटवर सगळ्यांच्या लाडक्या शितलीला म्हणजेच अभिनेत्री शिवानी बावकरला आला. त्याचप्रमाणे प्रेक्षकांना येत्या काही भागांमध्ये मालिकेमध्ये वेगवेगळ्या घटना बघायला मिळणार आहेत. लवकरच मालिका एक वेगळं वळण घेणार आहे.
शिवानीचा नुकताच वाढदिवस झाला. शिवानीला वाढदिवसा दिवशी मुंबईला येणं शक्य नव्हतं. पण शिवानीच्या सहकलाकारांनी तिला खास सरप्राईझ यावेळी दिलं. मालिकेतील यास्मिन आणि शिवानीची हेअरड्रेसर यांनी रात्री बारा वाजता तिला बिल्डिंगच्या टेरेसवर नेलं. यावेळी टेरेसवर मालिकेची संपूर्ण कास्ट आणि क्रू शितलची वाट बघत टेरेसवर होते. संपूर्ण टेरेसला फुग्यांनी सजवलं होतं, आणि शिवानीसाठी खास छोट्याश्या पार्टीच आयोजन केलं होतं. शिवानीने संपूर्ण क्रूबरोबर केक कापला आणि आपला वाढदिवस साजरा केला.
आई बांबाची खास भेट
शिवानीच्या वाढदिवसानिमित्त शिवानीचे आई-वडिल खास तीला भेटालया मुंबईवरून साताऱ्याला गेले. शिवानीसाठी आई बाबा साताऱ्याला येण हे खास गिफ्ट होतं. शिवानीने महावळेश्वरला जाऊन आई बाबांबरोबर वेळ घालवला.
“वाढदिवसाचा दिवस कुटुंबीयांसह साजरा करण्यास मिळावं यासारखा दुसरा आनंदजगात नाही. त्यांच्याशिवाय वाढदिवसाचं आनंद अपूर्ण आहे. मी माझ्या कुटुंबासोबत वाढदिवस साजरा केला तसंच लागीरं झालं जीच्या माझ्या या कुटुंबाने देखील मला खूप मोठं सरप्राईज दिलंआणि हा विढदिवस मी कधीच विसरू शकत नाही.” – शिवानी बावकर, अभिनेत्री
शितली होणार आई
मालिका लवकरच वेगळं वळण घेणार आहे. लवकरच शितली आई होणार आहे. आता शितलीची ही बातमी ऐकून घरात सगळ्यांच्या काय प्रतिक्रीया असणार. मामी आता तरी शितलीशी चांगलं वागणार का? आपण बाप होणार म्हटल्यावर अजिंक्य पुन्हा बॉर्डवर जाणार का? हे तुम्हाला मालिकेच्या येत्या काही भागांमध्ये समजणार आहे.