‘किचन’ मधील ७ सोप्या टीप्स !

१.  बटाटे उकडत असताना त्यामध्ये चिमूटभर हळद घाला. यामुळे बटाटे कमी कालावधीत उकडले जातात.

२. पुऱ्या करत असाल तर कणकेत चिमूटभर साखर घाला. त्यामुळे तळतेवेळी पुऱ्या छान फुगतात आणि बऱ्याचवेळ तशाच राहतात.

३. ज्या भांड्यात विरझण लावणार अाहात त्या भांड्याच्या आतल्या बाजूने तुरटी फिरवा. त्यामुळे दही घट्ट लागते.

४. पालकाचा हिरवा रंग टिकवून ठेवण्यासाठी पालक शिजवण्याआधीच मिक्सरमधून वाटून घ्यावा आणि त्यानंतर फोडणीला टाकावा.

५. पावसाळ्याच्या दिवसांत मिठाला हमखास पाणी सुटते. मिठाच्या बरणीवर टिपकागद ठेवून मग झाकण लावण्यास मीठ सुस्थितीत राहील.

६. पावसाळी वातावरणात कांदे लवकर खराब होतात. कांदे चांगले राहावेत यासाठी कापडी किंवा कागदी पिशवीत ठेवा.

७. कोबीचा स्वच्छ पांढरा रंग तसाच राहावा यासाठी त्यामध्ये थोडसं व्हिनेगर घाला. मात्र व्हिनेगर थोडं जरी जास्त झालं तरी चव खराब होऊ शकते.