जीरं हा मसाल्याचा महत्त्वाचा पदार्थ असून त्याचा वापर शक्यतो भारतीय जेवणात केला जातो. खाण्यासह जिऱ्याचा वापर चेहऱ्यासाठीही केला जाऊ शकतो. जिऱ्यामध्ये एन्टी-इंफ्लेमेटरी आणि एन्टीऑक्सिडेंट गुण आढळतात. जे आरोग्यासह तजेलदार, चमकदार त्वचेसाठी फायदेशीर ठरु शकते. चेहऱ्यावरील मुरमं कमी करण्यासही जीरं गुणकारी ठरते.
तजेलदार चेहऱ्यासाठी असा करा वापर –
- जिऱ्याच्या पाण्याची वाफ घेतल्याने चेहऱ्यावरील बॅक्टेरिया, इतर अशुद्ध घटकही बाहेर पडण्यास मदत होते.
- ही वाफ घेतल्याने ब्लॅकहेड्स काढणंही सोपे होते. तसेच त्वचेमधील रक्तप्रवाह सुरळित होण्यास मदत होते.
- जिऱ्यात बरेच एन्टीऑक्सिडेंट असल्याने सुरकुत्या, काळी वर्तुळे आणि त्वचा तजेलदार राहण्यास मदत होते.
- जीरं रात्रभर पाण्यात भिजवून ठेवल्यास आणि सकाळी उठल्यावर या पाण्याने चेहरा धुतल्यास फायदा होऊ शकतो.
- जिऱ्यापासून बनलेला फेसपॅकही फायदेशीर ठरु शकतो.
असा बनवा फेसपॅक
- फेसपॅक बनवताना थोडी हळद आणि जीरं हे मिश्रण करुन घ्या.
- त्यात मधाचे काही थेंब टाकावेत.
- हा फेसपॅक चेहऱ्यावर लावावा, काही वेळाने सुकल्यानंतर चेहरा स्वच्छ धुवावा.
- यामुळे चेहरा तजेलदार होण्यास मदत होऊ शकते.