हिरव्या भाज्या खायचे म्हटलं का अनेक जण तोंड मूरडतात. मात्र, याच हिरव्या भाज्या आरोग्याच्या दृष्टीने फारच उपयुक्त आहे. त्यामुळे डॉक्टर नेहमी हिरव्या भाज्या खाण्याचा सल्ला देतात. कारण आपल्या शरीराला आवश्यक असणारे सर्व घटक त्यामध्ये असतात. त्यातील भेंडी ही भाजी आरोग्यासाठी फारच महत्त्वाची आहे. कारण भेंडीमध्ये कॅल्शियम, लोह, मॅग्नेशियम ही जीवनसत्त्वे असतात. भेंडीची भाजी खाल्ल्याने आपल्या शरीराला अनेक फायदे होतात.
डोळ्यांना निरोगी ठेवते
भेंडीमध्ये विटामिन ए जीवनसत्व असते. ते आपल्या डोळ्यांना निरोगी ठेवते.
डायबिटीजच्या रुग्णांसाठी उपयुक्त
भेंडीमध्ये युगेनॉल असते. हे डायबिटीजच्या रुग्णांसाठी उपयुक्त असते. भेंडी खाल्ल्याने शरीरात ग्लुकोजचे प्रमाण नियंत्रित राहते. त्यामुळे डायबिटीज होण्याचा धोका कमी होता.
मेंदूचे कार्य सुरळीत होते
मेंदूचे कार्य सुरळीत होण्यासाठी भेंडी खाण्याचा सल्ला दिला जातो. विशेषता लहान मुलांच्या मेंदूच्या विकासासाठी भेंडी अत्यंत उपयुक्त आहे. जर मेंदूचे कार्य सुरळीच राहायचे असेल तर तुम्ही भेंडी आवश्य खा.
आतड्यामधील विषारी तत्व बाहेर पडतात
भेंडी खाल्ल्यामुळे आतड्यामधील विषारी तत्व बाहेर पडतात. त्यामुळे तुमच्या आतड्यांचे आरोग्य चांगले राहते.
रोगप्रतिकारशक्ती वाढते
भेंडीमध्ये विटामिन सी असते. त्यामुळे रोगप्रतिकारशक्ती वाढण्यास मदत होते आणि आजारांपासून सुटका होते.