फळे ही आरोग्यास उत्तम असतात. त्यामुळे बऱ्याच व्यक्ती विविध फळांचे सेवन करतात. पण कोणत्या फळाचे नेमके काय फायदे आहेत, हे ठाऊक नसल्याने त्याचा योग्यवेळी फायदा घेता येत नाही. त्यामुळे आज आपण द्राक्ष का खावीत. त्याचा नेमका आरोग्याला काय फायदा होतो ते जाणून घेणार आहोत.
मायग्रेनच्या त्रासावर गुणकारी
धावपळीच्या जीवनशैलीत मायग्रेनची समस्या अत्यंत सामान्य आहे. अशावेळी द्राक्षांचा रस पिणे फायदेशीर ठरेल. नियमित रस घेण्याने मायग्रेनच्या त्रासावर नक्कीच फायदा होईल.
हृदयविकारावर उपयुक्त
जगभरात सर्वात जास्त मृत्यू हृदयविकारांमुळे आणि त्यासंबंधित इतर आजारांमुळे होतात. यासाठी द्राक्ष खाणे विशेष फायद्याचे ठरेल. अलीकडेच झालेल्या संशोधनातून असे सिद्ध झाले आहे की, ब्रेस्ट कॅन्सरवर प्रतिबंधात्मक उपाय म्हणून द्राक्ष खाणे अत्यंत फायद्याचे ठरेल.
बद्धकोष्ठेतेपासून सुटका
भूक लागत नसल्यास द्राक्षाचा रस पिणे फायदेशीर ठरेल. त्याचबरोबर त्यामुळे बद्धकोष्ठतेची समस्याही दूर होईल.
मधुमेहावर लाभदायी
द्राक्षाच्या सेवनाने रक्तातील साखरेचे प्रमाण कमी होण्यास मदत होते. त्याचबरोबर यात लोहाचे अधिक प्रमाणात असल्याने लोहाचा एक उत्तम स्त्रोत आहे.
उच्च रक्तदाब
उच्च रक्तदाबावर द्राक्ष खाणे रामबाण उपाय आहे. द्राक्षाने रक्तदाब नियंत्रित राहतो. उच्च रक्तदाब असणाऱ्यांनी आठवड्यातून तीन-चार वेळा द्राक्षाचे सेवन करावे.
