आपल्या सर्वांच्या स्वयंपाकघरात मध नक्की सापडते. आपल्या सर्वांच्या आजीच्या बटव्यातही मधला विशेष स्थान आहे. त्याचप्रमाणे विविध पदार्थ बनवताना आईसुद्धा मधाचा सर्रास वापर करते, तसेच नियमितपणे मधाचे सेवन केले तर शरीरात स्फूर्ती, शक्ती आणि ऊर्जा येते. मधामुळे शरीर, सुंदर आणि सुडौल बनते. मध वजन घटवते आणि वजन वाढवतेही. तेव्हा जाणून घेऊयात मधाचे आणखी काही हटके फायदे.
रोग प्रतिकार शक्ती वाढते
मध खाल्ल्याने रोग प्रतिकारशक्ती वाढण्यास मदत होते. त्यामुळे हिवाळ्यात सर्रास होणारा खोकला, सर्दी या आजारांवर मात करण्यास मध खूपच फायदेशीर ठरते.
भूक लागण्यास मदत
बऱ्याचदा हिवाळ्यामध्ये भूक लागत नाही. त्यामुळे भरपूर भूक लागण्यासाठी मध फार फायदेशीर ठरते.
पचन शक्ती सुधारते
मधाचे सेवन केल्याने ताजेतवाने राहण्यास मदत होते. तसेच पचन शक्ती देखील सुधारते.
त्वचा रोगांचा त्रास कमी होतो
अनेकांना खाज, खरुज यासारख्या त्वचेसंबंधीत आजारांचा त्रास होतो. अशावेळी दररोज सकाळी रिकाम्या पोटी पाण्यात मध घालून त्याचे सेवन केल्याने त्वचेचे आजार दूर होण्यास मदत होते.
डोळ्यांचे आजार
ज्या व्यक्तींना डोळ्यांचे आजार असतात अशा व्यक्तींने गाजर आणि मधाचे सेवन करावे. यामुळे डोळ्या संदर्भात असणारे आजार दूर होण्यास मदत होते. तसेच मधाबरोबर गाजराचा रस घेतल्यास निरोगी दृष्टीसाठी फायदा होतो.
रक्तशुद्धीसाठी
रक्तशुद्धीसाठी मध फार उपयुक्त असते. त्यामुळे अनेकदा नियमीत मधाचे सेवन करावे. यामुळे रक्तशुद्धीसाठी फायदा होतो.
जीवनसत्व मिळते
मधाच्या सेवनाने शरीरास मुबलक प्रमाणात अ, ब, आणि क जीवनसत्व मिळते
त्वचा तजेलदार
थंड पाण्यामध्ये मध मिसळून दररोज प्यायल्यास त्वचा तजेलदार राहते.
केसगळती
केस गळण्याची समस्या दूर करण्यासाठी मधाचे सेवन करणे फायद्याचे ठरते.
पोटाची समस्या
पोट दुखत असेल किंवा मळमळत असेल तर आल्याच्या रसात किंवा लिंबाच्या रसात मध घालून प्यायल्याने पोटाची समस्या दूर होते.
