डायफ्रूटमध्ये काजू, बदाम, पिस्ता, जर्दाळू, आक्रोड आणि मनुक्याच्या समावेश असतो. असे म्हटले जाते की, डायफ्रूट खाणे हे श्रीमंताचे काम असतं. मात्र या डायफ्रूट्समधील मनुके सर्वसाधारण लोकांना देखील परवडणाऱ्या किंमतीत बाजारपेठेत उपलब्ध असतात. आंबट गोड चव असणारे आणि लहान आकाराचे मनुके आपल्या आरोग्यासाठी लाभदायक असतात हे फारसे अनेकांना माहित नसते. ड्रायफ्रूटमधील मनुके बऱ्याच आजारांवरील रामबाण उपाय देखील ठरतात.
डोळ्यांच्या आरोग्यासाठी उत्तम
डोळ्यांच्या आरोग्यासाठी बीटा कॅरोटीन फायद्याचे ठरते. मनुक्यामध्ये बीटा कॅरोटीन बऱ्याच मोठ्या प्रमाणत असते. त्यामुळे नजर सुधारण्यासाठी डोळ्यांच्या आरोग्यासाठी मनुक्याचे सेवन करावे.
हाडं सशक्त होण्यासही मदत
दररोज मनुके खाल्यास हाडं मजबूत होण्यास तसेत ते सशक्त राहण्यास देखील मदत होते. मनुकांमध्ये मोठ्या प्रमाणात कॅल्शियम असल्याने नियमित मनुक्यांचे सेवन करायलाच हवे.
लठ्ठपणापासून सुटका
लठ्ठपणामुळे त्रास्त असाल तर मनुके खाणे हे तुमच्या फायद्याचे ठरू शकते. मनुकांमध्ये नैसर्गिक साखर असते, जी शरीरात अगदी सहजरित्या पचते. दररोज मनुके खाल्ल्यामुळे वजन कमी व्हायला मदत होते.
बॅक्टेरियाच्या वाढीस प्रतिबंध
मनुक्यामधील बॅक्टेरियाच्या वाढीस प्रतिबंध करण्याची क्षमता असते. त्यामुळेच ताप आल्यावर मनुके खावेत. ताप लवकर उतरण्यासाठी मनुक्याचे सेवन करणे फायद्याचे ठरते.
हृदयविकाराच्या रुग्णांसाठी फायदेशीर
मनुके खाल्ल्याने शरीरास ताकद मिळते. मनुकांमध्ये नैसर्गिक साखर असल्याने शरीरात अगदी सहजरित्या पचते. त्यामुळे मनुके खाल्ल्यावर शरीरात त्वरीत ऊर्जा निर्माण होते. याशिवाय मनुकांमध्ये कोलेस्ट्रॉल नसल्याने हृदयविकाराच्या रुग्णांसाठीही हे लाभदायक ठरते.
बद्धकोष्ठतेचा त्रास दूर
बद्धकोष्ठतेची समस्या असल्याने मनुका खाल्यास बद्धकोष्ठतेचा त्रासापासून सुटका मिळते. मनुक्याच्या सेवनाने हा त्रास कायमचा जाऊ शकतो. बद्धकोष्ठतेच्या समस्येसाठी मनुके भिजवून खाल्याने शरिरास जास्त फायदेशीर ठरतं.
