बऱ्याचदा स्वयंपाक घरातील धान्यात किडे आढळून येतात. मात्र, हे घालवायचे कसे असा अनेकदा गृहिणींना प्रश्न देखील पडतो, अशा गृहिणींकरता आज खास टीप्स घेऊन आलो आहोत.
- डाळींना किड्यापासून वाचण्यासाठी त्यात एरंडेल तेलाचे काही थेंब टाकावे. याने डाळीत किडे किंवा अळ्या होणार नाहीत.
- मिरचीच्या डब्यात थोडेसे हिंग टाकल्याने मिरची जास्त काळ टिकते.
- कांदे आणि बटाटे एका जागेवर एकत्र ठेवू नये, यामुळे बटाटे लवकर खराब होतात.
- जर मुंग्यांमुळे त्रस्त असाल तर एक काम करा. ट्युब लाइट किंवा बल्बच्याजवळ कांद्याची एक गाठ लटकवून ठेवू शकता. यामुळे मुंग्या दूर राहतात.
- स्वयंपाक घराच्या कानाकोपऱ्यात बोरिक पावडर टाकल्याने झुरळ येत नाहीत.
- कॉफीची पूड जाळून त्याचा धूर केल्यास त्या धुराणे घरातील डास पळून जातात.
- ज्या ठिकाणी मुंग्या असतील त्याठिकाणी कापुर टाकावा. यामुळे मुंग्या कमी होतात.
- घरात झुरळ झाली असतील तर घरातील कानाकोपऱ्यात तेजपत्ताची पूड करुन किंवा अख्खे तेजपान ठेवावे. यामुळे झुरळे कमी होतात.