अनेकदा जेवण करताना गृहिणींना अनेक अडचणींना सामोरे जावे लागते. अशावेळी खास किचन टिप्स लक्षात असल्यास त्याचा चांगलाच फायदा होतो.
- भाजीत मटारचे दाणे हिरवेगार दिसण्यासाठी त्यात साखर आणि मीठ घालून वाफवून घ्यावेत.
- इडली मऊ होण्यासाठी खोबऱ्याच्या तेलाचा वापर करावा. इडलीच्या मिश्रणात थोडेसे खोबऱ्याचे तेल घालावे.
- हाताला येणाऱ्या लसणाची दुर्गंधी दूर करण्यासाठी लिंबाचा तुकडा हाताला चोळावा.
- कोबीची भाजी बनवत असताना त्यात ब्रेडचा तुकडा टाकल्याने कोबीचा उग्र वास निघून जातो.
- कांदा परतताना त्यात चिमूटभर साखर घालावी, यामुळे कांदे चांगले परतले जातात.
- मटण शिजवताना त्यात कच्च्या पपईची पेस्ट टाकल्याने मटण लवकर शिजते आणि मऊ देखील होते.
- भाजीमध्ये फ्लॉवरचा रंग पांढरा शुभ्र दिसण्यासाठी एक चमचा कणीक घालावी.
- बटाटे किंवा अंडी उकडताना त्यात थोडेसे मीठ घातल्याने तुटत नाही.
- टोमॅटो, मुळा, बीट किंवा गाजर टवटवीत ठेवण्यासाठी मिठाच्या पाण्यात रात्रभर बुडवून ठेवावे.
- शेंगदाणे मिनिटभर उकळत्या पाण्यात काढल्याने भाजल्यानंतर शेंगदाणे खमंग होतात.