Corona Update: राज्यातील कोरोना बळींची संख्या १७ हजार पार!

राज्यात कोरोनाबाधित रुग्ण वाढत असून बाधितांची संख्या ५ लाखांच्या उंबरठ्यावर आहे. तसेच राज्यातील कोरोना बळींच्या संख्येने १७ लाखांच्या टप्पा देखील पार केला आहे. दिलासादायक बाब म्हणजे राज्यात पुन्हा एकदा नवीन रुग्णांपेक्षा बरे झालेल्यांची संख्या अधिक आहे. दरम्यान राज्यात गेल्या २४ तासांत १० हजार ४८३ नवे कोरोनाबाधित रुग्ण आढळले असून ३०० रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांचा संख्या ४ लाख ९० हजार २६२वर पोहोचली असून यापैकी आतापर्यंत १७ हजार ९२ रुग्णांचा मृत्यू झाला आहे. तसेच २४ तासांत राज्यात १० हजार ९०६ रुग्ण बरे झाले असून आतापर्यंत ३ लाख २७ हजार २८१ रुग्ण कोरोनामुक्त झाले आहेत. राज्यातील कोरोना रुग्ण बरे होण्याचे प्रमाण ६६.७६ टक्के एवढे झाले असून मृत्यूदर ३.४९ टक्के एवढा आहे.

10,483 #COVID19 cases & 300 deaths reported in Maharashtra today. Total number of cases in the state is now at 4,90,262, including 1,45,582 active cases, 3,27,281 recovered & 17,092 deaths: State Health Department pic.twitter.com/ecEa2o0vBd

— ANI (@ANI) August 7, 2020

आजपर्यंत तपासण्यात आलेल्या २५ लाख ६९ हजार ६४५ प्रयोग शाळा नमुन्यांपैकी ४ लाख ९० हजार २६२(१९.०७टक्के ) नमुने पॉझिटिव्ह आले आहेत. सध्या राज्यात ९ लाख ८२ हजार ७५ व्यक्ती होमक्वारंटाईनमध्ये आहेत तर ३५ हजार २६२ व्यक्ती संस्थात्मक क्वारंटाईनमध्ये आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे….