Corona in Maharashtra: दिलासा! रिकव्हरी रेट ७१.३८ टक्के; तर १४,९२२ रुग्णांना डिस्चार्ज

राज्यात कोरोना विषाणूचा कहर मोठ्या प्रमाणात होत आहे. राज्यातील नव्या रुग्णसंख्येत उच्चांकी वाढ कायम आहे. मात्र अशापरिस्थितीत दिलासादायक बाब म्हणजे राज्यातील रुग्ण बरे होण्याचे प्रमाण (Recovery Rate) ७१.३८% एवढे झाले आहे. आज १४,९२२ रुग्ण बरे होऊन घरी परतले आहेत. राज्यात आजपर्यंत एकूण ६,५९,३२२ कोरोना बाधित रुग्ण बरे होऊन त्यांना डिस्चार्ज देण्यात आला आहे.

तर आज राज्यात १६,४२९ नवीन रुग्णांचे निदान झाल्याचे समोर आले आहे. यासह राज्यात आज ४२३ कोरोना बाधित रुग्णांच्या मृत्यूंची नोंदकरण्यात आली आहे. सध्या राज्यातील मृत्यू दर २.९३ % एवढा झाला आहे. कोरोना रूग्णांचे प्रमाण लक्षात येण्यासाठी आजपर्यंत तपासण्यात आलेल्या ४७,०५,९३२ प्रयोगशाळा नमुन्यांपैकी ९,२३,६४१ (१९.६३टक्के) नमुने पॉझिटिव्ह आले आहेत.

तसेच, राज्यात आज एकूण २,३६,९३४ ऍक्टिव्ह रुग्ण असून राज्यात १५,१७,०६६ व्यक्ती होमक्वारंटाईनमध्ये आहेत तर ३८,३४९ व्यक्ती संस्थात्मक क्वारंटाईन मध्ये असल्याची माहिती महाराष्ट्र सार्वजनिक आरोग्य विभागाकडून देण्यात आली आहे.

राज्यातील जिल्हा आणि मनपानिहाय रुग्णांचा तपशील पुढील प्रमाणे…