कोरोना विषाणूच्या प्रादुर्भावामुळे संपूर्ण देशात गेल्या तीन महिन्यापासून लॉकडाउन सुरु आहे.अश्या आपत्कालीन परिस्थितीत जीवनावश्यक वस्तूंचा तुटवडा पडू नयेत, यासाठी भारतीय रेल्वेच्या मालगाड्या अहोरात्र सुरु आहे. तसेच देशात कोणीही उपाशी राहणार नाही, या काळजीपोटी स्वतःच्या जीवाची आणि कुटूंबियांची पर्वा न करता मध्य रेल्वेचेकर्मचारी या कठीण काळात काम करित आहेत.यापेक्षाहीजास्तलॉकडाऊन दरम्यान गाड्या सुरळीत चालण्यासाठीमरेच्या चौकीदारांची ’टॉप’ कामगिरी केली आहे.
हे आहेत ते मध्य रेल्वेचे गेटमन
लॉकडाऊन दरम्यान गाड्या सुरळीत चालण्यासाठी विविध ठिकाणी गेटमन महत्त्वपूर्ण भूमिका बजावत आहेत. गेटमेन मोठ्या जबाबदारीने आणि कार्यक्षमतेसह त्यांचे कर्तव्य बजावत आहेत. रजनीरंजन चौबेहेगेटमॅन अशा योध्यांपैकी एक आहेत, जे गाड्यांचे परिचालन नियमितपणे पार पाडण्यासाठी महत्त्वपूर्ण भूमिका बजावत आहेत. वांगणी ते शेलू स्टेशन दरम्यान इंजिनीअरिंग गेट क्रमांक १८ येथे ते कर्तव्य बजावत आहेत. चौबे यांच्यासमवेत नितीन मोरे आणि नरेंद्रकुमार याच गेटवर शिफ्ट ड्युटी बजावत आहेत. रत्नदीप दळवी हे टिटवाळाजवळील ट्रॅफिक गेट क्र.५१ ए येथे गेटमन आहेत. रोहिदास काकड हे त्याच गेटवर दळवी यांच्यासह शिफ्ट ड्युटीवर कार्यरत अन्य गेटमन आहेत.
आव्हानात्मक कामगिरी
जेव्हा एखादी अनुचित घटना घडते तेव्हा त्यांना करावयाचे कार्य याबद्दल नियम आणि कर्तव्याबद्दल पूर्ण प्रशिक्षण दिलेले असते. गेटमनची कामगिरी करणे आव्हानात्मक आहे. ट्रेन रेल्वे लेवल क्रॉसिंग गेटजवळ येत असतानाही अनेकदा वाहन चालक गेटमधून जाण्याचा प्रयत्न करतात. रेल्वे क्रॉसिंग गेटजवळून जाताना वाहनचालकांना नेहमीच घाई असते आणि सावधानतेचा गजर वाजल्यानंतरही ते ओलांडण्याचा प्रयत्न करतात. गेटमेन त्यांना सल्ला देतात आणि त्यांना माहिती देतात की हे त्यांच्या सुरक्षिततेसाठी आणि ते वाहतूक करीत असलेल्या प्रवाशांच्या सुरक्षिततेसाठीच आहे. गेट बंद असताना ओलांडणे देखील बेकायदेशीर आहे. बंद गेटमधून प्रवेश करणे केवळ घुसण्या-यांसाठीच धोकादायक नाही तर गेटजवळ येणार्या रेल्वेतील प्रवाशांसाठीदेखील धोकादायक आहे.
सुरक्षेची दुहेरी जबाबदारी
गेटमन नेहमी सतर्क असतो. तो गेटजवळून जाणा-या सर्व गाड्यांचे निरीक्षण करतो आणि ट्रेनची सुरक्षा सुनिश्चित करण्यासाठी आवश्यक असणारी कारवाई करण्यास तयार असतो. जर गेटजवळील सिग्नल सदोष असेल तर, गेटमन हँड सिग्नलचा वापर करतो अथवा सदोष सिग्नल पार करेपर्यंत ट्रेनला मार्गदर्शन करतो. गेट सिग्नलमध्ये बिघाड झाल्यास गेटमॅन आवश्यक असल्यास सिग्नल ‘ऑन’ स्थितीत ठेवतो. अशा गाड्यांच्या सुरक्षित ऑपरेशनमध्ये सामील अशा दुर्लक्षित नायकांना आपलं महानगर आणि मायमहानगरकडून त्यांना सलाम.
