Coronavirus: राज्यात आज ९८ कोरोनाबाधितांचा मृत्यू; रिकव्हरी रेट ९४ टक्क्यांवर

राज्यात कोरोना जरी आटोक्यात असला तरी गेले दोन दिवस ३ हजाराहून अधिक रुग्ण आढळत आहेत. राज्यात आज ३,८११ नवीन रुग्णांचे निदान झाले आहे. तर ९८ कोरोनाबाधितांचा मृत्यू झाला आहे. राज्याचा मृत्यू दर २.५७ टक्के एवढा आहे. राज्यात आज २ हजार ६४ रुग्ण बरे होऊन घरी परतले. राज्यात आजपर्यंत एकूण १७,८३,९०५ करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) ९४.०६टक्के एवढे झाले आहे.

राज्यात आज पर्यंत तपासण्यात आलेल्या१,२१,१९,१९६ प्रयोगशाळा नमुन्यांपैकी १८,९६,५१८ (१५.६५टक्के ) नमुने पॉझिटिव्ह आले आहेत. सध्या राज्यात ५,०२,३६२ व्यक्ती होमक्वारंटाईनमध्ये आहेत तर ३,७३० व्यक्ती संस्थात्मक क्वारंटाईनमध्ये आहेत. राज्यात आजच्या दिवसाला एकूण ६२,७४३ ऍक्टिव्ह रुग्ण आहेत. राज्यातील जिल्हानिहाय ऍक्टिव्ह रुग्णांचा तपशील खालीलप्रमाणे आहे.