कोरोनाचा प्रादुर्भाव रोखण्यासाठी घराबाहेर पडताना लोकांनी तोंडावर मास्क लावणे बंधनकारक करण्यात आले आहे. त्यानंतरही अनेक जण तोंडावर मास्क न लावता आपल्यासह इतरांचे आरोग्य धोक्यात टाकत असून त्यांच्याविरुद्ध देवळा पोलिसांनी कारवाईचा बडगा उगारला असून आज दिवसभरात पोलिसांनी ७ जणांविरुद्ध १८८ कलमा अंतर्गत गुन्हे दाखल करण्यात आले तसेच १३ जणांविरुद्ध दंडात्मक कार्यवाही करण्यात आली.
कोरोनाचा प्रसार रोखण्यासाठी लोकांनी सामाजिक अंतर राखावे व घराबाहेर पडताना नाक, तोंडावर मास्क बांधणे गरजेचे असतांना देखील लोक सदर नियम न पाळता वाहन घेऊन घराबाहेर पडत आहेत. अशा बेजबाबदार लोकांविरुद्ध देवळा पोलिसांनी आक्रमक भूमिका घेतली असून कारवाईची मोहीम हाती घेतली असून आज दिवभरात देवळा शहरात मास्क न वापरणाऱ्या ७ जणांविरुद्ध १८८ कलमा अंतर्गत गुन्हे दाखल करण्यात आले तसेच १३ जणांविरुद्ध दंडात्मक कार्यवाही करण्यात आली असून अशाप्रकारे मास्क न वापरणाऱ्यावर कार्यवाही केली जाणार असल्याचे पोलीस निरीक्षक सुहास देशमुख यांनी सांगितले.
देवळा पोलीस ठाण्याचे पोलीस निरीक्षक सुहास देशमुख,पोलीस उपनिरीक्षक संजय मातोंडकर यांच्या मार्गदर्शनाखाली पोलीस कर्मचारी रवींद्र मल्ले,सचिन भामरे,अंकुश हेंबाडे,विजय सोनवणे तसेच होमगार्ड यांनी ही कार्यवाही केली.
