गंगापूर पोलीस ठाणे हदीतील कॉलेज रोडवरील कॉलेज रोड पोलीस चौकीचे मिनी पोलीस ठाण्याच्या धर्तीवर या चौकीचे नुतनीकरण करण्यात आले. गुरुवारी (दि.९) भोसला मिलीटरी स्कूलची विद्यार्थिनी पूर्वा जोशी हिच्या हस्ते चौकीचे फीत कापण्यात आल्यानंतर पोलीस आयुक्तांसह मान्यवरांनी चौकीत प्रवेश करत पाहणी केली. त्यानंतर नांगरे–पाटील यांच्या हस्ते कोनशिलेचे अनावरण करण्यात आले. यावेळी अशोक पंजाबी, रविश जाजू, मयुर शहाणे, ठेकेदार शशी हिरवे यांचा पोलीस आयुक्तांच्या हस्ते सत्कार करण्यात आला.
याप्रसंगी पोलीस उपायुक्त अमोल तांबे, सहायक पोलीस आयुक्त प्रदीप जाधव, वरिष्ठ पोलीस निरीक्षक अंचल मुदगल, आमदार सीमा हिरे, बी.वाय.के. महाविद्यालयाचे प्राचार्य डॉ.राम कुलकर्णी, शिवसेना गटनेते विलास शिंदे, नगरसेविका हिमगौरी आहेर–आडके, स्वाती भामरे, रतन लत आदी उपस्थित होते.
नागरिक साध्या वेशातील पोलीस
कॉलेज रोड चौकीत २४ तास पोलीस कार्यान्वित राहणार आहेत. मिनी पोलीस ठाण्यांमुळे गुन्हेगारीला आळा बसणार आला गुन्हेगारी आटोक्यात यावी, यासाठी शहर सीसीटीव्ही कॅमेरे कार्यान्वित केले जाणार आहेत. सध्या प्रायोगिक तत्वावर मुख्य चौकात ८०० कॅमेरे बसविण्यात येणार आहेत. त्यामध्ये ३५० कॅमेरे फेस व ओडिओ डिक्टटर आहेत. नागरिकही साध्या वेशातील पोलीस आहेत. त्यादृष्टीने त्यांनी पोलिसांना सहकार्य करावे.
विश्वास नांगरे–पाटील, पोलीस आयुक्त
डिजिटल पोलीस चौकीतील सुविधा
२४ तास पोलीस चौकी कार्यान्वित. चार सीसीटीव्ही कॅमेरे सुविधा, वाय–फाय सुविधा, इंटरनेटव्दारे पोलीस ठाणे व चौकी जोडलेले, संपर्ण परिसरावर सीसीटीव्हीच्या माध्यमातून नजर ठेवण्यासाठी एलईडी स्क्रीन, महत्वाचे नंबर, मुख्य सूचना प्रदर्शित करण्यासाठी डिजीटल बोर्ड, पोलीस व नागरिकांसाठी स्वच्छता गृह, स्वतंत्र पार्किंग व्यवस्था.
चौकीत कार्यरत असणारे पोलीस
सहायक पोलीस निरीक्षक नरेंद्र बैसाणे, हेड कॉन्स्टेबल भारत बोळे, पोलीस हवालदार सतिश जाधव व राहुल सोळसे हे कॉलेज रोड पोलीस चौकीत दिवस–रात्र नियुक्त राहणार आहेत.
