विधानसभा निवडणुकीचा निकाल लागल्यानंतर राज्याच्या राजकारणात मोठी उलथापालथ होण्यास सुरुवात झाली. आतापर्यंत शिवसेना, राष्ट्रवादी कॉंग्रेस आणि कॉंग्रेस एकत्र मिळून ‘महाविकास’ आघाडीच्या मार्फत राज्यात सत्ता स्थापन करणार होते. मात्र, ही चर्चा ,सुरु असतानाच आज राज्याच्या राजकारणात सर्वात मोठा भूकंप झाला आहे. देवेंद्र फडणवीस यांनी आज, शनिवारी सकाळीच मुख्यमंत्रीपदाची शपथ घेतल्यानंतर त्यांच्यासोबत राष्ट्रवादी काँग्रेसचे विधिमंडळ पक्षनेते अजित पवार यांनी देखील उपमुख्यमंत्रीपदाची शपथ घेतली आणि महाराष्ट्राच्या राजकारणात भूकंप झाला. त्यांच्या शपथविधीनंतर काही वेळातच पंतप्रधान नरेंद्र मोदी यांनी देवेंद्र फडणवीस आणि अजित पवार यांचे अभिनंद करणारे ट्विट केले आहे. या ट्विटनंतर मोदींचे चार वर्षांपूर्वीचे ट्विट व्हायरल झाले आहे.
Congratulations to @Dev_Fadnavis Ji and @AjitPawarSpeaks Ji on taking oath as the CM and Deputy CM of Maharashtra respectively. I am confident they will work diligently for the bright future of Maharashtra.
— Narendra Modi (@narendramodi) November 23, 2019
काय आहे ४ वर्षापूर्वीच ट्विट
पंतप्रधान नरेंद्र मोदींनी चार वर्षांपूर्वी कॉंग्रेसवर टीकासस्त्र करणारे ट्विट केले होते. या ट्विटमध्ये एनसीपी म्हणजे नॅच्युरल करप्टेड पार्टी. यांच्या घडाळ्याचीत १० वाजल्याचा आकडा दहा वर्षात दहा घोटाळे केल्याचे दर्शवत आहे. मात्र, आता त्याच एनसीपीचे प्रमुख नेते भाजपला पाठिंबा देत आहेत. त्यामुळे आश्चर्य व्यक्त करत ते ट्विट मोठ्या प्रमाणात सोशल मीडियावर व्हायरल होत आहे.
NCP is naturally corrupt. Since the time the party was born nothing has changed: Narendra Modi
— narendramodi_in (@narendramodi_in) October 12, 2014
हेही वाचा – राष्ट्रवादीच्या ‘त्या’ आमदारांनी सांगितला सकाळचा घटनाक्रम!
