मनसे अध्यक्ष राज ठाकरे यांनी त्यांच्या व्यंगचित्रातून पंतप्रधान नरेंद्र मोदींवर पुन्हा एकदा जोरदार टीका केली आहे. राज यांनी त्यांच्या नव्या व्यंगचित्रातून ‘मोदी भारतीय जनतेला छळत आहेत’ अशा अर्थाचा टोला लगावला आहे. चित्रात दाखवण्यात आल्याप्रमाणे मोदींनी भारतीय जनतेची कॉलर पकडली असून, ‘काँग्रेसने मला छळले म्हणून मी तुम्हाला छळतोय’, असं मोदी देशातील जनतेला सांगत आहेत. ‘गुजरातचे मुख्यमंत्री असताना काँग्रेसने मोदी यांना छळले होते, त्यामुळे आज ते भारतातील सामान्य जनतेला छळत आहेत…’ अशी थेट टीका राज ठाकरेंनी मोदी यांच्यावर केली आहे. नरेंद्र मोदींनी भाजपच्या राष्ट्रीय कार्यकारिणीच्या बैठकीत काँग्रेसवर टीकास्त्र सोडल होते.
- Advertisement -