धनंजय मुंडे व्हिडिओ कॉलवरही शरीर संबंधाची मागणी करायचे. त्यांनी व्हिडिओ कॉल केल्यानंतर अनेकदा शरीर संबंध करण्याचे प्रकार याआधीही माझ्याबाबतीत घडले आहेत. माझे अतिशय खासगी आणि आक्षेपार्ह फोटो आणि व्हिडिओ हे धनंजय मुंडे यांच्याकडे आजही आहेत. केवळ याच गोष्टीमुळे अनेकदा अन्याय होऊनही मी गेल्या अनेक वर्षात गप्प राहिले. माझे खासगी फोटो आणि व्हिडिओंमुळे मला गप्प रहावे लागली अशी माहिती रेणू शर्मा यांनी एबीपी माझा या वृत्तवाहिनीशी बोलताना दिली आहे. केवळ सांत्वना दाखवून, मला विश्वास देऊन माझा वारंवार वापर करण्यता आला. पण या प्रकारामुळे माझे संपुर्ण आयुष्य उद्ध्वस्त झाले. लग्नाच वचन देऊन माझा वारंवार असा वापर झाला, असा खळबळजनक आरोप धनंजय मुंडे यांच्यावर बलात्काराचे आरोप करणारी महिला आणि तक्रारदार रेणू शर्माने केला आहे. पण शुक्रवारी दिवसभरात घडलेल्या घडामोडींमध्ये मात्र मुंडेंचा राजीनामा न घेण्याचा निर्णय राष्ट्रवादीने घेतला आहे. या प्रकरणात चौकशीनंतरच पक्षाकडून मुंडेंवर कारवाई होईल असे राष्ट्रवादी कॉंग्रेसकडून स्पष्ट करण्यात आले आहे.
२०१३ पासून माझ्यावर वारंवार धनंजय मुंडे यांनी माझ्यावर जबरदस्ती केली. मला सांत्वना दाखवण्यात आली. आयुष्यात काहीतरी करून दाखवण्याची माझी इच्छा होती. आयुष्यात मी अतिशय महत्वकांशी होती. पण माझ्या अडचणीमुळेच मुंडे यांनी माझा गैरवापर केला. मी तुझ्या मागे खंबीरपणे उभा राहीन, असे आश्वासन देऊन त्यांनी माझा फक्त वापर केला, असा आरोप या महिलेने केला आहे. २००६ पासून मधल्या काळातील चार वर्षे फक्त अपवाद होती.
भाजपचे नेते कृष्णा हेगडे आणि मनसेचे नेते मनिष धुरी यांनी केलेल्या आरोपावरही महिलेने खुलासा केला आहे. मनिष धुरी यांना एका व्हिडिओ अल्बमचे प्रकाशन होत नसल्यासाठी मी भेट घेतली होती. तर कृष्णा हेगडे यांची भेट ही शिवसेना नेते प्रताप सरनाईक यांच्या पार्टीत झाल्याचा खुलासा रेणू शर्माने केला. हेगडे हे स्वतः माझ्याशी येऊन बोलले. ते मुंडे यांचे मित्र असल्यानेच माझ्यावर आरोप करत असल्याचे तिने स्पष्ट केले.
