कोकणवासियांचा कोरोना चाचणीमुळे ST ला बायपास

चाकरमान्यांनी एसटीकडे फिरवली पाठ

गौरी-गणपतीच्या उत्सवाला ६ ऑगस्टपासून कोकणात जाणार्‍या चाकरमान्यांसाठी एसटीने मुंबई, ठाणे, पालघर येथील प्रमुख बस स्थानकांवरून बसेस सुरु केल्या आहेत. ६ ऑगस्ट ते १२ ऑगस्टपर्यंत ११ हजार पेक्षा जास्त प्रवाशांनी एसटीचे आगाऊ आरक्षित केले होते. तर या सहा दिवसांत ४०६ बसेस मुंबई विभागातून कोकणात रवाना झाल्या आहेत. एसटीतून तब्बल ८ हजार पेक्षा जास्त प्रवाशांनी कोकण गाठले आहे.  गणेशोत्सावासाठी कोकणात जाणार्‍या नागरिकाकरिता एसटीची ही सुविधा फक्त ६ ते १२ ऑगस्ट अखेरपर्यंत होती. मात्र आता प्रवासी संख्या लक्षात घेता एसटी महामंडळाने  मुदत वाढविण्यात आली आहे. आता १३ ते २१ ऑगस्टपर्यंत कोकणात चाकरमान्यांना जाण्यासाठी शासनाच्यानिर्देशानुसार एसटी बसेस आरक्षणासाठी उपलब्ध करुन देण्यात आल्या आहेत. मात्र १३ ऑगस्टपासून एसटी बसने कोकणात जाण्यार्‍या प्रवाशांना प्रवासापूर्वी कोरोनाचाचणी करणे अनिवार्य असून सदर चाचणी निगेटिव्ह असल्यास संबंधितांना प्रवासाची मुभा देण्यात आली आहे. आरक्षण केल्यानंतर प्रवासापूर्वी संबंधित प्रवाशाची कोरोना चाचणी पॉझिटिव्ह आल्यास त्यांना आरक्षण रद्द करता येणार नाही. त्यामुळे अनेक चाकरमान्यांनी एसटीचा प्रवासाकडे पाठ फिरवली आहे. आता १३ ऑगस्टला ही सेवा सुरुवाताच पहिल्याच दिवशी एकच प्रवाशांनी आरक्षण केले होते. मात्र कोरोना चाचणीचे प्रमाणपत्र नसल्यामुळे त्यांची कोकणात जाण्याची तिकीट एसटी महामंडळाला रद्द करावी लागली आहे. एसटीचा या मुदत वाढीच्या पुर्णत: फियास्को झालेल्या आहे.