‘धुरळा’ बसत नाही तोच संपतो ‘दुष्काळी दौरा’

दुष्काळानं बळीराजाचं पार कंबरडं मोडलं. वरूणराजानं दगा दिला. त्यामुळे जगण्याचा संघर्ष सुरू झाला. सत्ताधाऱ्यांकडं बळीराजानं हात परसलं. राजानं मदतीचं आश्वासन दिलं देखील पण झोळी मात्र रितीचं. दुष्काळाची पाहणी करण्यासाठी केंद्रानं पथक पाठवलं. पण, त्याचा उपयोग काय? धुरळा उडवत अधिकाऱ्यांच्या गाड्या येतात पण तोच धुरळा बसायच्या आता गाड्या निघून देखील जातात. केंद्रानं राज्यात १० सदस्यीय पथकाला मराठा, विदर्भ आणि पुण्यातील दुष्काळाचा पाहणी दौरा करण्यासाठी पाठवलं आहे. धावता दौरा करणारं हे पथक येतं आणि वाऱ्यासारखं निघूनही जातं. त्यामुळे व्यथा मांडायच्या तरी कुणाकडं? असा प्रश्न या शेतकऱ्यांना पडला आहे. दुष्काळानं जगणं नकोसं झालं. पण ही कैफियत सांगायची तरी कुणाला? ऐकणार तरी कोण? असा सवाल या शेतकऱ्यांना पडला आहे. कारण ‘दिल्लीहून साह्येब तर आलं पर कुणाचं भी न ऐकताचं माघारी फिरलं’ अशीच प्रतिक्रिया शेतकऱ्यांची आहे.