मुंबईला आज वीजेअभावी मोठा फटका बसला आणि विशेषत: कोरोनाच्या काळात तर हा फटका आणखी गंभीर बनला. सर्वसामान्यांच्या जीवनात खंड पडला असून यामुळे जवळजवळ संपूर्ण मुंबई ठप्प झाली होती. दरम्यान मुंबईतील वीज यंत्रणा कोलमडली आणि नंतर सायंकाळी साडेसहा वाजता मुलुंडमधील अपेक्स रुग्णालयात जनरेटर खराब झाल्याने आग लागल्याचे समोर आले आहे. अचानक आग लागल्याने रुग्णालयातील वीज पुरवठा खंडीत झाला होता. मुलुंड पश्चिम येथील हे रूग्णालय कोरोना रूग्णांकरता असून यावेळी रुग्णालयात जवळपास ४० रुग्ण उपचार घेत असल्याचे सांगितले जात आहे.
Maharashtra: Fire broke out at a hospital in Mulund (West) are of Mumbai earlier in the evening, due to overheating of generator. It was later extinguished. 40 patients – who were admitted at the hospital – were shifted to other hospitals.
— ANI (@ANI) October 12, 2020
मिळालेल्या माहितीनुसार, या घटनेची माहिती मिळताच अग्निशमन दलाचे ११ बंब घटनास्थळी पोहचले आणि त्यांनी आगीवर नियंत्रण मिळवले. यावेळी या रुग्णालयातील रुग्णांना अनेक खासगी रुग्णवाहिकांच्या मदतीने इतर रुग्णालयात स्थलांतरित करण्यात आले असून ते सध्या व्हेंटिलेटरवर आहेत. तर ८२ वर्षीय पांडुरंग कुलकर्णी यांना मुलुंडमधील फोर्टिस रुग्णालयात स्थलांतरीत करण्यात आले होते. मात्र, त्यांचा तेथे उपचारादरम्यान मृत्यू झाला, तर आणखी एक महिला रुग्ण गंभीर असल्याची माहिती मिळत आहे.
#SpotVisuals: A fire that broke out at a hospital in Mulund (West) area of Mumbai earlier today was extinguished. 40 patients who were admitted at the hospital were shifted to other hospitals. #Maharashtra https://t.co/iJSrDpAq9W pic.twitter.com/gN4RkUisiU
— ANI (@ANI) October 12, 2020
यासह मुलुंडच्या अपेक्स रुग्णालयात आग लागल्यानंतर येथील ४० रुग्णांना फोर्टिस, मैथागर, मुलुंड जम्बो सेंटर आणि आस्था रुग्णालयात स्थलांतरीत करण्यात आले आहे. सर्व रुग्णांवर या रुग्णालयांमध्ये पुढील उपचार सुरु आहेत.
