दिवाळीच्या मुहूर्तावार सर्वसामान्य लोकांना खुशखबर मिळाली आहे. सोमवारी (आज) पुन्हा एकदा पेट्रोल आणि डिझेलचे भाव घसरले आहेत. मुंबईमध्ये आज पेट्रोल २२ पैशांनी स्वस्त झाले असून, पेट्रोलचा आजचा भाव ८४.०६ रुपये प्रतिलीटर इतका आहे. तर डिझेल २१ पैशांनी स्वस्त झाले असून, मुंबईत आजचा डिझेलचा भाव ७६.७६ रुपये प्रतिलीटर आहे. रविवारी मुंबईमध्ये पेट्रोल २१ पैशांनी घटलं होतं, तर डिझेल १८ पैशांनी स्वस्त झालं होतं. गेल्या काही दिवसात इंधनाच्या दरात सातत्याने होत असलेली घट सर्वसामान्यांना दिलासादायक ठरते आहे. ऐन दिवाळीच्या काळात इंधनाचे दर घटल्यामुळे देशातील जनतेला काहीसा दिलासा मिळाला आहे. आंतराष्ट्रीय बाजारात कच्च्या तेलाच्या किंमतीत घट होत असल्यामुळे पेट्रोल-डिझेलचे दर स्वस्त होत आहेत.
Petrol and diesel prices in #Delhi are Rs 78.56 per litre (decrease by Rs 0.22) and Rs 73.16 per litre (decrease by Rs 0.20), respectively. Petrol and diesel prices in #Mumbai are Rs 84.06 per litre (decrease by Rs 0.22) and Rs 76.67 per litre (decrease by Rs 0.21), respectively. pic.twitter.com/qeniXI7nMs
— ANI (@ANI) November 5, 2018
दिल्लीतील आजचे दर
राजधानी दिल्लीतही आज पेट्रोल-डिझेझल्या दरात घसरण झाली आहे. आज दिल्लीमध्ये पेट्रोल २२ पैशांनी स्वस्त झाले असून, पेट्रोल ६८.५६ पैसे प्रतिलीटर दराने उपलब्ध आहे. तर, डिझेल २० पैशांनी स्वस्त झाले असून आज दिल्लीमध्ये डिझेल ७३.१६ रुपये प्रतिलीटर दराने उपलब्ध आहे. एकंदरच मध्यंतरीच्या काळाच इंधन दरवाढीमुळे हैराण झालेले लोक आता सुखावले असल्याचे चित्र दिसत आहे.
