बॉलिवूड अभिनेता सुशांत सिंह राजपूतच्या मृत्यूप्रकरणी आज, शुक्रवारी रिया चक्रवर्तीला ईडीसमोर चौकशीसाठी हजर राहण्याचे समन्स पाठवण्यात आले होते. रिया थोड्यावेळापूर्वी ईडी कार्यालयात दाखल झाली. सुशांतची केस मनी लॉण्डिगशी जोडली गेली असल्यामुळे ईडीने रियाला विचारण्यासाठी प्रश्नांची एक यादीच तयार केली आहे. यावेळी रियासोबत तिचा भाऊ आणि वडिलदेखील उपस्थित आहेत. रियाची आज दिवसभर चौकशी होणार. कदाचित संध्याकाळी अटकेची शक्यता. सुशांतच्या खात्यातील १५ कोटी रुपये, तीन कंपन्यांमधील व्यवहार आणि काही बनावट खाते आहेत का, याचा तपास होणार आहे.
#SushantSinghRajput death case: Rhea Chakraborty arrives at Enforcement Directorate (ED) office in Mumbai.
ED rejected her earlier request that the recording of her statement be postponed till Supreme Court hearing. pic.twitter.com/MIWYlYMXhT
— ANI (@ANI) August 7, 2020
दरम्यान, आज सकाळी रियाने तिच्या वकिलांमार्फत ईडीची चौकशी पुढे ढकलण्याची मागणी केली होती. सुप्रिम कोर्टातील सुनावणीचा निर्णय येईपर्यंत ही चौकशी पुढे ढकलण्यात यावी, अशी विनंती तिने केली होती. परंतू ईडीने तिची ही मागणी फेटाळली. सीबीआयने गुरूवारी या प्रकरणी एफआयआर दाखल केली होती. ज्यामध्ये रियासह ६ लोकांना आरोपी ठरवण्यात आले आहे. चौकशीसाठी सीबीआयने (SIT) एसआयटीची नेमणूक केली आहे. ही टीम गुजरातचे केडर आयपीएस मनोज शशिधर यांच्या नेतृत्वाखाली काम करत आहे. रियाशी तिच्या मालमत्तेसंबंधी तसेच सुशांतसोबत झालेल्या व्यवहारासंबंधी प्रश्न विचारले जाण्याची शक्यता आहे.
हेही वाचा –
Sushant Sucide Case: रियाने मुंबईत घेतले २ फ्लॅट्स, ईडी करणार रियाची चौकशी
