पावसाळ्यात आपल्या स्टाईलला साजेशा चप्पल आपल्याला हव्या असतात. त्याच त्याच प्रकारच्या चप्पल नक्कीच कोणालाही घालायला आवडणार नाही. ऑफिसमध्ये जायला, पार्टी वेअर, बाजारात जाताना सगळ्यांनाच वेगवेगळ्या प्रकारच्या चप्पल घालायला आवडतात. यावेळी पावसाळ्यात काय ट्रेंड आहे यासाठी खास ही फोटोगॅलरी. (फोटो सौजन्य - युट्यूब)
1 या 8
क्रॉक्स
पावसाळ्यासाठी सर्वात उत्तम पर्याय. मुले आणि मुली दोघांनाही याचा वापर करता येतो. शक्यतो शॉर्टस आणि शर्ट वर हे उठून दिसतात. मात्र पारंपरिक पेहरावांवर हे घालणं टाळा.
गम बुट्स
गम बुट्स रबरचे असल्याने आणि आकाराला मोठे असल्याने पावसाच्या पाण्यापासून तुमचा बचाव करतात. या बुटांमध्ये आता अनेक रंगसंगती उपलब्ध आहेत. पण पावसाळ्यात गडद रंगाचा वापर करावा.
व्हेजेस
बारा महिने हिल्स घालायची सवय असल्यास, पावसाळ्यात व्हेजेस एक चांगला पर्याय ठरू शकतो. पेन्सिल हिल्स ऐवजी या व्हेजेसचा वापर करता येतो. फ्लॉरल प्रिंटेड व्हेजेस हे ट्रेंडिंग आहेत.
रबर सोल
पावसाळ्यात घसरण्यापासून वाचायचं असेल तर रबर सोल असलेल्या चपला उत्तम. रबर घसरण्यापासून तुमचा बचाव तर करतोच पण त्याचा आकर्षक रंग तुम्हाला योग्य 'मॉन्सून' लूक देतो.
ट्रान्सपरंट चप्पल्स
पारदर्शी अथवा 'ट्रान्सपरंट' चपलांची सध्या चलती आहे. यावर फ्लोरल प्रिंट, अॅनिमल प्रिंट, पोल्का डॉट्स प्रिंट असे हटके पर्याय उपलब्ध आहेत.
फ्लिप फ्लॉप्स
कुर्ती आणि लेगिंग्सच्या खाली किंवा जीन्सच्या खाली तुम्हाला फ्लिप फ्लॉप्स घालता येतात. प्रिंटेड किंवा प्लेन असे दोन्ही प्रकार यात सध्या उपलब्ध आहेत.
बलेरियन्स
शूजशिवाय न राहणाऱ्या व्यक्तींना बलेरियन्स हा चांगला पर्याय आहे. सध्या विविध रंगाचे बलेरियन्स मार्केटमध्ये उपलब्ध आहेत.
नेव्ही फ्लॅट्स
पावसाळ्यात न घसरणाऱ्या फ्लॅट्स चप्पल वापरायच्या असल्यास, नेव्ही फ्लॅट्सचा विचार करता येतो. यामध्ये वेगवेगळ्या लुकच्या चप्पल मिळू शकतात.
