बापू नाडकर्णी यांनी वयाच्या ८७ व्या वर्षी मुंबईत अखेरचा श्वास घेतला. बापू नाडकर्णी यांना बीसीसीआयसह क्रिकेट जगतातील दिग्गजांनी श्रद्धांजली वाहिली. मास्टर ब्लास्टर सचिन तेंडुलकरने देखील अष्टपैलू कसोटीपटू बापू नाडकर्णी यांना श्रद्धांजली वाहिली आहे. आपण बापू नाडकर्णी यांचे विक्रम ऐकत वाढलो असल्याचे सचिन म्हणाला. सलग २१ निर्धाव षटके टाकण्याच्या विक्रमाचाही सचिनने उल्लेख केला आणि शोक व्यक्त केला.बापू नाडकर्णी यांनी १९५५ ते १९६८ या काळात भारतीय कसोटी संघाचे प्रतिनिधित्व केले. जन्माने नाशिककर असलेले बापू १९५०-५१ मध्ये पुणे विद्यापीठाकडून ते रोहिंटन बरिया चषकात खेळले. त्यानंतर १९५१-५२ मध्ये महाराष्ट्राच्या संघातून त्यांनी प्रथमश्रेणी क्रिकेटमध्ये पदार्पण केले. दोन वर्षांनंतर ब्रेबॉर्न स्टेडियमवर तेव्हाच्या बॉम्बे संघाविरुद्ध त्यांनी आपले पहिले शतक झळकावले. १०३ मिनिटांच्या खेळीत त्यांनी हे शतक साकारले होते. प्रथमश्रेणी क्रिकेटमधील सातत्यपूर्ण अष्टपैलू कामगिरीच्या जोरावर त्यांनी भारतीय संघात स्थान मिळवले.
बापू नाडकर्णींचे विक्रम ऐकत वाढलो
written By My Mahanagar Team
Mumbai
सचिनची श्रद्धांजली
मागील लेख
संबंधित लेख
- Advertisment -
- Advertisment -
- Advertisment -