भारत आणि ऑस्ट्रेलिया यांच्यातील कसोटी मालिका गुरुवारपासून सुरुवात होत आहे. या मालिकेतील पहिला सामना अॅडलेड येथे होणार आहे. या कसोटीच्या एक दिवस आधीच भारताने संघ जाहीर केला आहे. या संघात रोहित शर्मा आणि हनुमा विहारी या दोघांचाही समावेश आहे. त्यामुळे भारतीय संघात सहाव्या क्रमांकावर कोण खेळणार या प्रश्नाचे अजूनही उत्तर मिळालेले नाही. तसेच भारताने या सामन्यासाठी वेगवान गोलंदाज भुवनेश्वर कुमारला संघात स्थान दिलेले नाही. त्यामुळे भारताच्या वेगवान गोलंदाजीची धुरा जसप्रीत बुमराह, इशांत शर्मा आणि मोहम्मद शमी हे तिघे सांभाळतील. तर रविचंद्रन अश्विन हा एकमेव स्पिनर संघात आहे.
India have announced their 12 for the first #AUSvIND Test!
Kohli (c), Rahane, Rahul, Vijay, Pujara, Rohit, Vihari, Pant, Ashwin, Shami, Ishant, Bumrah.
Who will be the one to miss out? pic.twitter.com/edElklldN9
— ICC (@ICC) December 5, 2018
जडेजा संघात नाही
भारतीय संघात सहाव्या क्रमांकावर रोहित शर्मा किंवा हनुमा विहारी या दोघांपैकी कोण खेळणार हा प्रश्न होता. हनुमा विहारीचा सध्या चांगल्या फॉर्मात आहे. त्याने क्रिकेट ऑस्ट्रेलिया इलेव्हन विरुद्धच्या सराव सामन्यातही अर्धशतक केले होते. त्यामुळे पहिल्या सामन्यात त्यालाच संघात स्थान मिळेल अशी चर्चा होती. पण रोहितचा १२ सदस्यीस संघात समावेश असल्याने अजूनही संघात कोण असणार हा प्रश्न कायम आहे. तर या संघात अष्टपैलू रवींद्र जडेजाचा समावेश नाही.
