आशियाई चॅम्पियन्स ट्रॉफीसाठी मनप्रीत सिंग कर्णधार

पुढील महिन्यात सुरू होणाऱ्या आशियाई चॅम्पियन्स ट्रॉफीसाठी भारताचा हॉकी संघ जाहीर झाला आहे. या संघाचे कर्णधारपद मनप्रीत सिंगकडे सोपवण्यात आले आहे. याआधी पी. आर. श्रीजेश भारतीय संघाचा कर्णधार होता. तर चिंगलेनसाना सिंग याला उपकर्णधारपद सोपवण्यात आले आहे.

भारत आशियाई चॅम्पियन्स ट्रॉफीचा गतविजेता आहे. २०१६ मध्ये मलेशियात झालेल्या स्पर्धेत भारताने अंतिम सामन्यात पाकिस्तानचा ३-२ असा पराभव केला होता. त्यामुळे यावर्षीही भारतालाच ही स्पर्धा जिंकण्याचे प्रमुख दावेदार मानले जात आहे. नोव्हेंबरमध्ये भुवनेश्वरमध्ये होणाऱ्या विश्वचषकाच्या पार्श्वभूमीवर आशियाई चॅम्पियन्स ट्रॉफी ही स्पर्धा अत्यंत महत्वाची मानली जात आहे. या स्पर्धेत भारतीय संघ चांगला खेळ करेल याचा प्रशिक्षक हरेंद्रसिंग यांना विश्वास आहे, “आम्ही जो १८ जणांचा संघ निवडला आहे त्यात युवा आणि अनुभवी असे दोन्ही खेळाडू आहेत. त्यामुळे या संघात चांगला समतोल आहे. एशियाडमध्ये आम्हाला चांगले प्रदर्शन करता आले नसले तरी या स्पर्धेत आम्ही चांगला खेळ करू याचा मला विश्वास आहे.” आशियाई चॅम्पियन्स ट्रॉफी १८ ऑक्टोबरपासून ओमानमध्ये होणार आहे.

Here are the 18 players selected for the upcoming 5th Men’s Hero Asian Champions Trophy in Oman that will begin on 18th October 2018. Read to know more about the selections made and Chief Coach @HarendraSingh66‘s views on the competition: https://t.co/GvCV49kE2O#IndiaKaGame pic.twitter.com/eZTNQrD5WF

— Hockey India (@TheHockeyIndia) September 26, 2018

गोलकिपर : पी. आर. श्रीजेश, क्रिशन बहादूर पाठक