भारताचा सलामीवीर शिखर धवन सध्या मैदानात आपला जळवा दाखवतो आहे. पण मैदानाबाहेर चित्र जरा वेगळे आहे. शिखर धवनचे ट्विटर हॅक झाले होते. त्यामुळे त्याला काही अडचणींचा सामना करावा लागला.
अनेकांना चित्रविचित्र संदेश पाठवले गेले
शिखर धवनने पाकिस्तानविरुद्ध अप्रतिम प्रदर्शन केले. ‘सुपर ४’च्या सामन्यात शिखरने ११४ धावांची खेळी केली. त्यामुळे भारताने आशिया चषकाच्या अंतिम सामन्यात प्रवेश केला. पण या सामन्यापूर्वी मैदानाबाहेर त्याला अडचणीला सामोरे जावे लागले. शिखरचे ट्विटर हॅक झाले होते. शिखरचे ट्विटर हॅक झाल्याने त्याच्या ट्विटरवरून अनेकांना चित्रविचित्र संदेश पाठवले गेले. त्यामुळे शिखराला संदेश पाठवून हे सांगावे लागले की ‘माझे ट्विटर हॅक झाले असल्याने त्यावरून कोणताही संदेश आला तर त्याकडे दुर्लक्ष करावे.’
Hi friends, please ignore any messages you may have received from my handle recently. My account was compromised but it has been restored.
— Shikhar Dhawan (@SDhawan25) September 23, 2018
रशीद खानला गेला होता संदेश
अफगाणिस्तानचा गोलंदाज आणि आयपीएल संघ सनरायझर हैदराबादमधील शिखराचा सहकारी रशीद खानला शिखराच्या हॅक झालेल्या अकाउंटवरून मॅसेज गेला होता. याबद्दलचे रशीदने ट्विट केले.
I received it bach Gaya ??
— Rashid Khan (@rashidkhan_19) September 23, 2018
- Advertisement -
